ما ندري يا كرار

ما ندري يا كرار…من هجموا إعله  الدار
لليسأل  شنريد إنجاوب…حاضر يا حيدر لو  غايب

هذا السؤال إنوجهه و من نسأل إنريد  إجواب
إبعملت  الزهره  يا علي إحتارت جميع الألباب
من  حقنه ننشد عالجره و نعرف نريد الأسباب
يمها  جنت حاضر صدق من دفعوا إعليها  الباب
ظل العقل محتار …يا موقف اليختار
و إلسان التاريخ إيخاطب …حاضر يا حيدر لو  غايب

لو  قلت  حاضر يا علي حين الضلعها إتصوب
الموقفك حقه اللي يجن و حقه الذي يتعجب
و  إنت اللي سيفك بالحرب يا ما فطاحل أدب
معقوله تسكت يا علي و إنت اللي شاطر  مرحب
و بنت النبي المختار …إتنادي يا حامي الجار
وين إنت من رضها الناصب…حاضر يا حيدر لو  غايب

حامي الحمه و حامي الدخل للزهره ما  تحميها
و  عندك  امأمنها النبي و أوصاك تدري  إعليها
و عنها إشكثر قال و حجه ياذيني من  ياذيها
ما عقل يدرك موقفك و لا قصتك  يرويها
تدري بضلعها الصار…من عملت المسمار
إبدمعتها  إتحشم و إتعاتب…حاضر يا حيدر لو  غايب

بهجة  دليل المصطفه و روحه و مهجته  الزهره
من وقع محسنها إشقلت و هيَّ تلوج إبكتره
جا ما سمعت الطاهره إتنوح الضلعها و كسره
و  قلبك إشقال إمن إسمعت رنتها ذيج السطره
تجري الدمع مدرار…يمروع الأشرار
نسأل  يا سيف الله الضارب…حاضر يا حيدر لو  غايب

بس  وحده يحتار العقل من يصفن إلها و ينشد
جف القلع خيبر صدق إبحبل الصبر  متقيد
و الجتفتك جانت أمس من طاري إسمك تشرد
الجان شارد و إجه إشما له الدارك يقصد
متحيره الأفكار…من تسمع  الأخبار
تتحاسب ياللي إنت إتحاسب…حاضر يا حيدر لو غايب

و  للبيعه تطلع يا علي و الصبر قيّد  جفك
خلوا  عن حيدر يا خلق فاطمة إتنادي  خلفك
إبحالتك هذي يا علي ميصدق اللي  إيعرفك
إنوجه عتبنه بالدمع و ندري العتاب  يألمك
إبقلبك  تشب  النار…و بيه كاتم الأسرار
ننشد يا أسد الله الغالب…حاضر يا حيدر لو غايب

و إيجاوب إلسان الصبر عن علي و ذيج الالام
و  إيقول  لو شاهر علي سيفه إعله روس  الظلام
جان  إندثر  اسم النبي و ما ظل أثر  للإسلام
لاجن  الحكمه تقتضي يصبر الحكم  الأيام