شاعر: جابر الكاظميرادود: جليل الكربلائي
ليله نادت ليش يوليدي عفتني آه يبني
و بسهم هجرك يلكبر صوبتني آه يبني
ما حسبت احساب يبني اتغيب عني آه يبني
راح تعبي اللي تعبته و خاب ظني آه يبني
و لا تظن اعليك يبطل بعد وني آه يبني
و الليالي تدري يبني شيبتني آه يبني
يولدي مد جفك و نشف دمعتي آه يبني
و أطفي نيران اللي شعلتها حسرتي آه يبني
يلوحيد يلخدك من عندي وكتي آه يبني
يلخذت وياك روحي و لوعتني آه يبني
جنت اظنك تجوه و الآخر أيامي آه يبني
ألف يا حيف الوكت بدد أحلامي آه يبني
تالي أشوفك منذبح و الجبد ضامي آه يبني
ليش يا الأكبر عفتني و دوهتني آه يبني
يالجنت مثل النفس بالريه أضمك آه يبني
حقي لو أعتب عليك و آنه أمك آه يبني
اشلون أشوفك يا علي سابح ابدمك آه يبني
كربله و هاي المصيبه امنين اجتني آه يبني
يا شباب الما جزه العشرين عمره آه يبني
يا شبيه المصطفه و ينور بدره آه يبني
جنت من أشتاق للهادي أنظره آه يبني
بلطفوف اشلون تقبل غربتني آه يبني
مصدر النقل: موقع القصائد الولائية
5مشاهدة