لليوم بالفخر صيته ارتفع

لليوم  … بالفخر صيته ارتفع
اقصد  ابعينك شوفه
لليوم  … بالفخر صيته ارتفع

الأرض  الكوفه يا القاصد لو بحساسك  اتسافر
و ايذكرك بالماضي لمن تنظر  الحاضر
موجود …شاهد الحق و العدل
من  تطب قبره  اتشوفه

تلقه  الشاهد الثاني ابعينك لمن  اتنظره
اتشوف  الطاغيه  ابن ازياد خاوي للأرض قصره
و  اتشوف … يا كيان اللي  انهدم
و  بيه الشيم  ملفوفه

و يم القصر من توقف اطرح عن وعي طرحك
تدري ابمسلم المذبوح جسمه انشمر من سطحك
شيقول  …  يا جواب  اليمتلك
اعيون  الظلم  مكفوفه

و لمن توصل الكوفه طب كل كتر من عدها
منها  اخذ الخبر موثوق عن جيت  القاصدها
تنطيك … للشرف أروع  صور
و عن حملته المعروفه

و  تقدر  تعكس الذهنك هالملحمه امن الميدان
فارس  واحد ايقابل بالحومه جمع فرسان
و ايصول … مثل صولت  حيدره
صاح الفزع بصفوفه

ساعه  اللي يكردسها و ساعه اللي  يطشرها
بحمزه  و حيدره عمه و بجعفر  يذكرها
آيات … للفخر مسلم  كتب
كَامت  تبوس   اجفوفه

و ناس الغدرته ابحيله وبينت بالغدر  ذلها
ما  ظل ذكر لا جاه من دنيه الطمع  إلها
مظلوم  … وحدّه اعليها  انتصر
و      شارات      إله       موصوفه

لليوم… بعده شامخ  ماوقع
مسلم أمير الكوفه

موجوده الحقيقه اهناك وانظرها ابوسع  ناظر
تلمس  واقع المغدور يفضح موقف  الغادر
موجود  …  بالضماير  متصل
مسلم أمير الكوفه

هو  ايبين الفارق و منه تاخذ  الفكره
و  يم قصره تشوف اشلون مسلم مرتفع  قبره
و اتشوف… بيا كتر يخفق علم
مسلم أمير الكوفه

يا هالقصر قله اشبيك يا هو الذي هدم  صرحك
اشلون  احتيه  بأنوارك أصبح هو ليفضحك
شيقول  …  من هدم عرش الملك
مسلم أمير الكوفه

و  عن مسلم سفير احسين لو رايد  تناشدها
اتقلك همت الكرار ابزود و فخر  جسدها
تنطيك  … عن عزم مسلم خبر
مسلم أمير الكوفه

و عاين للفرق و احكم حكم العدل و  الوجدان
و  بكل صدر و بمنحر خلف صارمه  نيشان
و ايصول … عله الحومه  ابمقدره
مسلم أمير الكوفه

و قام ابسيفه يغزلها و فوق اخيولها ايكرها
و بدر و الخندق و صفين برض الكوفه  كررها
آيات  … تندر ابيوم  الغضب
مسلم أمير الكوفه

مو  احنه الذي نسأل انعوف الزمن  يسألها
جانت تنحسب آلاف و مسلم وحده قابلها
مظلوم  … نصره من دم  النحر
مسلم أمير الكوفه