لا تلوموني أذا انحب وأون خل يهل دمع الحزن لهل الحزن

لا تلوموني أذا انحب وأون…خل يهل دمع الحزن لهل الحزن
مظلوم…يا  سيدي***مهموم…يا  سيدي

أدري لهل البيت بس يحله الدمع…ما فرحت ابيوم من يوم الضلع
بين سم وسيف كل يوم انفجع…هذا حالي و لا نشف دمع المزن

من بني أمية جروحي ما شفت…من بني العباس ناري الما طفت
شاهد اعله الحال سامره بقت…بالظهر من النواصب ننطعن

ما نسولف خل يسولف هالدهر…عادت المجرم تره يترك أثر
الهالفعل ناح الحجر قبل البشر…والجره ويه الأبو ايشوفه الابن

يا إمامي العاشر وعاشر جرح…اشلون انام الليل وبقلبي رمح
آه  يا كسر الأبد ما ينصلح…ينصلح كسر الخواطر ما أظن

يا علي الهادي مصابك مو سهل…وي دمعنه دمعة الزهره تهل
سيدي  مظلوم ميت أو عدل…واليعيش امقيد ايعيش ابسجن