غايبنه يبن الحسن گوم احفظ ادمانه

غايبنه يبن الحسن.. گوم احفظ ادمانه….جور و نفاق و فتن.. مليانه دنيانه

يا صاحب الثار ..يمتى بجيتك يبشرونه ….لليوم الأشرار.. علي جدك يبغضونه

غايبنه  يبن الحسن.. گوم احفظ ادمانه….جور و نفاق و فتن.. مليانه  دنيانه
يا صاحب الثار ..يمتى بجيتك يبشرونه ….لليوم الأشرار.. علي جدك  يبغضونه
گوم              احفظ              ادمانه

يقولون الصبر من يُوصل الحده…. مثل ماي اعله وجه الگاع يتبده
و  يقولون اليتاني ينتظر مُده….اذا كَسر العظم موجود اليضمده
صعب  كَسر  القَلُب من يقدر يشده…. نجم ليل انتظارك مو سهل عَده
قضينا ليل الصبر نحسب مُصَايبنا…. نتأمل بكل فجر شمسك  يغايبنه
نكشف لك أسرار ..ظلم الناس اليكرهونه ….لليوم الأشرار.. علي جدك يبغضونه
گوم              احفظ              ادمانه

قُصص  عن الظلم يالمهدي نرويها…. كتبنا بالمدامع كل حرف  بيها
الك  من يا كتر لو ردنا نبيدها ….اذا ردنا يغايب ننسى  ماضيها
بيا  صفحة التهون و حتى نطويها ….جرائمها وغدرها شاهدة  اعليها
من بعد مابايعت خانت أمانتها ….والله ما آمنة لسه  بخيانتهه
ليش  اخو  المختار ..على المنبر يشتمونه ….لليوم الأشرار.. علي جدك يبغضونه
گوم              احفظ              ادمانه

على الحب و المودة الهادي وصاهم…. وبيكم تارك الثقلين ناداهم
نريد  أهل  الغدر نتسائل اوياهم…. اشبدا من آل الرسول و سِفكوا ادماهم
و ذبحوا كل مُحب سار اعله مَسراهُم ….يسمونه روافض لو فُضحناهم
لو  قلنا  واجب فرض الناس نكشفها ….چم حاقد اليعترض و الغاية  يحرفهه
تحريف الأفكار ..سامي يحسبونه….لليوم الأشرار ..علي جدك  يبغضونه
گوم              احفظ              ادمانه

يغايب  من أهلك ودعنا چم معصوم…. بين انقطع نحره والجبد  مسموم
مظلوم بمصابه يتبع المظلوم…. عزانا لوالدك يالمهدي هذا اليوم
يذكرنا  بمصابه و مرقده المهدوم…. نواسيك بدمعنا وكل قلب  مهموم
من  يوم  كسر الضلع و الدمعة همالة ….و الدمع للمنفجع تعبير عن  حاله
دم تجري الأنظار.. يغايب تدري ظلمونه .. لليوم الأشرار ..علي جدك  يبغضونه
گوم              احفظ              ادمانه

بني  امية بقساوتها و بني العباس…. ناس اتسلم بشرها وغدر  هالناس
مو عجبة بشرايعها القيم تنداس….لإن طبع البشر من يفقد الإحساس
مثل حال الوحوش الكاسرة ينقاس…. على الرماح الغدر لهل المجد چم  راس
راس  الذي ما يذل لازم يقطعونه….فوق الرمح ينحمل للطاغي  يهدونه
شافونه  أحرار  ..و لا قدروا يذلونه….لليوم الأشرار.. علي جدك يبغضونه
گوم              احفظ              ادمانه

أبوك العسكري قوم اطلب بثاره…. يغايب و اعتني له وَيّه  زوراه
و الچانت هدفها تمحي آثاره ….مصباح الجلالة اشيطفي  أنواره
و قبر العسكري يتجدد اعماره…. إذا شيعة علي الطيبين أنصاره
تبت أيادي الحقد خلهم يسمعونه…. صرح الشرف و المجد هيهات يمحونه
ذل  و خزي وعار.. هذا الينالونه….لليوم الأشرار ..علي جدك  يبغضونه
گوم              احفظ              ادمانه