عباس عباس عن كسر الضلع هم عندك أخبار

عباس عباس… عن كسر الضلع هم عندك أخبار

يا بو فاضل خاف أجرحك لو أخبرك…و إنت طبعك ما تجاوز حده صبرك
و بوفائك و بإبائك عالي قدرك …و آنا أشوفك بالمشاعر يضوي  قبرك
معروف معروف… يا نِعمَ الإخو المثلك فلا صار

زينب  إختك  ما حجت لك يا قمرها…قصة أمها هي تعرف كل  خبرها
خل  تقلك من هضمها و من عصرها…عصره تركت عالعقيله شر  أثرها
بالباب  بالباب  …هم عندك خبر من شبت النار

يبو  الغيره لو شفتها من ولوها…و الوديعه بيها وصت الهادي  أبوها
إبلايه رحمه و بحقدهم هاجموها…هجموا وحده و بضلعها  صوبوها
أحقاد أحقاد …من بعد النبي ظهروها  الأشرار

لو قلت لي الوالي حيدر كل رجاها…حين صاحت من تنخت ما  حماها
من سمعها ما حضرها و لا إجاها…و بوجوده من وصلها و إعتناها
و إشلون و إشلون …يسكت و إنتخت صاحت  يكرار

تدري  حيدر من تقيّد بالوصيه…فرصه جانت بيها هجموا  عالزجيه
منها ورثت بتها زينب كل رزيه …و العداوه امن السقيفه الآل  أميه
آلالام  آلالام …من جرم العده الهجموا عله الدار