طشتين شافت زينب

طشتين شافت زينب  طشتين
ابقلبها يا طشت أكثر…و الشيبها يا  منظر
طشتين شافت زينب  طشتين

زينب يا علي الكرار بيها إشسون  الطشتين
حقها لو بجت زينب و شيّب منها رمش العين
حقها  جاعده إتصلي و حقها تلطم الخدين
تولاها  الدهر يا ناس و صوبها بأعز إثنين
جفين  ظلت تصفج  جفين
و  إعله إخوتها تتحسر…و الهم بالقلب يسعر
طشتين شافت زينب  طشتين

إذا نسأل قلب زينب إشكثر تبجي يبو  الأحزان
يقول  التفقد إخوتها بيش إتعوض الخوان
تنظر  للحسن يا حيف بالسم تغدره  العدوان
و تشاهد بالطشت جبده و تصيح إبحرقة الوجدان
لاوين  عفت العيله  لاوين
عقبك خويه تتحير…يا هو إيصبر  الخدر
طشتين شافت زينب  طشتين

الطشت الثاني يا زينب إشلون إعيونج  إتنظره
بيه  راس العزيز حسين و إنتي إمجتفه ابكتره
و  يا زينب عصاة إيزيد تشوفيها على  ثغره
يضربه  و يشتم الكرار و يظل يتبجح  إبشعره
تنخين  ذيج الساعه  تنخين
إيزيد  الفاجر إتجسر…و محد يا وسف ينغر
طشتين شافت زينب  طشتين

ابطشت المجتبه جانت زينب يم أهاليها
دمعها يمسحه العباس و حسين اليواسيها
لاجن بالطشت لمن شافت راس  واليها
جان السوط من تبجي ما يرحم  بواجيها
كل حين إتصد الحره كل حين
تريد إمن الكفل يحضر…عجيبه إعليها  يتأخر
طشتين شافت زينب  طشتين