ضيف و غدرة بيك الكوفه

ضيف  و غدرة بيك الكوفه…مسلم يا مبعوث  حسين
خانت  وعدك ناس أشرار…نقضت عهدك ناس  أشرار

عندك غايه و قاصد ليها من أشرف كل  الغايات
يا  مسلم  رايد تحييها هالناس التنعد  أموات
مصلح  تصلحها و تهديها دنيه اتعيش ابحب  الذات
و  من نار الباري اتنجيها تهديها إدروب  الجنات
و  الباري  بآيه المعروفه…قبلك هاديها  النجدين
خانت  وعدك ناس أشرار…نقضت عهدك ناس  أشرار

آلالاف الكتب الودتها و إتصيح إنريد  الإصلاح
لحسين إتقدم شكوتها و إتهل إدموع  التمساح
رادت  تخلص من محنتها و إتقول إنطحي  الأرواح
و  مسلم يمشي ينفذ الرادتها مبعوث حسين إلهم  راح
جاوين الجانت ملهوفه …تربي الدرب حسين  العين
خانت  وعدك ناس أشرار…نقضت عهدك ناس  أشرار

قاصد ليها إتريد إتقلها عن راي حسين  المعلوم
و  بأمره إنت القائد إلها و إنت المغوار الجيدوم
يا مسلم و إنت اتمثلها لو للحج وياك  إتقوم
هدم  عرش الطاغي الذلها و يخلص من ظلمه  المظلوم
واصف هالماضي و موصوفه…جذابه و تحجي الوجهين
خانت  وعدك ناس أشرار…نقضت عهدك ناس  أشرار

تعرف  أصلك يالقاصدها عمك حيدر حامي  الجار
و  إتقصده ابحاجات العدها فاتح إلهم باب  الدار
عون إلها و ما واقف ضدها يا مسلم عدهم خطار
شتقول  الكوفه إناشدها شتجاوب طاها  المختار
و الهادي ابيا عين إتشوفه…يطلبها المختار ابدين

رادت  من عندك تنصرها شهرت ضدك تالي إسيوف
و إجتمعت هالناس إبشرها و الحربك ملتمه  إصفوف
يا  مسلم  قوم و ذكرها شمرة حيدر خلها  إتشوف
خل سيفك يحصد منكرها و يامر بالحق و  المعروف
شمس الحق عدكم مكسوفه…و الزين إتبدل  بالشين
خانت  وعدك ناس أشرار…نقضت عهدك ناس  أشرار