شاعر: علي الخفاجيرادود: باسم الكربلائي
صوت ارتفع بالسمه…مظلومه يا فاطمة
أول شعار اتوضحه الغياره…ما تطفه من وسط الضماير ناره
غايبنه باجر يعلن إنتصاره…ضلع الزجيه المهدي ياخذ ثاره
من ينصب المحكمه…مظلومه يا فاطمة
صوت ارتفع للشيعة هالمسية…ما ننسه ثار الطاهرة الزجية
صرخة عشقنه صرخة حيدرية…لا ما نسام احنه عالقضية
و انصيح بالخاتمة…مظلومه يا فاطمة
صوت المناحر خل يصيح إلسانه…يا دهر منصف صير مرة اويانه
اتموت الطغاة و ما تموت ادمانه…حيدر عله الحق و الشرف ربّانه
يهتف مسيل الدمه…مظلومه يا فاطمة
صوت الوفه ابكل اللغات انرفعه…تصبح شعار التضحيات الدمعه
أشرف عهد دم الشهادة ايوقعه…بالغالي شيعة حيدره متبرعه
و بجروحها امحزمه…مظلومه يا فاطمة
رايتنه وحدة و للخصم معروفه…راية علي الما طاحت امن اجفوفه
بإيد القمر خلاها ليث الكوفه…خطها الزمان اعله النهر بحروفه
مكتوبة بالملحمة…مظلومه يا فاطمة
حب الولاية يسري ويه دمنه…حقد النواصب و الله ما يهمنه
بإيد القمر طول الدهر علمنه…و بهالدرب يهل الوفه إلتزمنه
و إنواسي للعالمة…مظلومه يا فاطمة
فطرتنه من يوم المهد غذتنه…و بحب علي و عترة علي وصتنه
غدارة ويانه صفت دنيتنه…و هيهات عن حب الوصي بعدتنه
و الواقع إنترجمه…مظلومه يا فاطمة
مصدر النقل: موقع القصائد الولائية
2مشاهدة