صوت إمي صاح و علن أتقدم و أدخل ميداني

صوت إمي صاح و علن …أتقدم و أدخل  ميداني
هذي  وصية والحسن …قبلك أستشهد  وصاني
و أخط إسمي … بحبر دمي …يا عمي

عساكر بالحرب وقفت و صوت التضحية  يردد
و  أبوية الحسن واعدني يعمي و حان  هالموعد
إجيت و بيدي سيف الموت للحومه أريد  اقصد
و أريد أتقدم و لجلك أضحي و قبلك  أستشهد
لجلك أريد أفتدي … و يتخلد بإسمك عنواني
و هذا الحسن والدي … قبلك أستشهد وصاني
و أخط إسمي … بحبر دمي …يا عمي

عفت  العرس  و الحنه و ضميري اعله الحرب  قرر
أريد الزفة بالميدان و أتحنه ابدمه المنحر
هدف عندي يبو السجاد أخوض و أدحر  العسكر
و  أضحي للهدف دمي مثل شبلك علي  الأكبر
لو  نفّدت مطلبي … تحقق غاية  وجداني
و الحسن سبط النبي … قبلك أستشهد  وصاني
و أخط إسمي … بحبر دمي …يا عمي

و  أبو اليمه إنفجع قلبه و صاح ابدمعة الأحزان
يجاسم يبن أخويه اشلون أسلمك بيدي للعدوان
و  أمك ما أظن ترضه تشوفك دامي  عالتربان
و  طنها تنتظر جيتك يجاسم روح للصيوان
لن  جاسم يجاوبه … أرجع هيهات  الصيواني
اشلون  أرد و المجتبه … قبلك أستشهد  وصاني
و أخط إسمي … بحبر دمي …يا عمي

تريد أرجع للمخيم يعمي ابيا وجه  أرجع
و أمي سلمتني السيف و قالت للحرب  إطلع
و قالت موعدي وياك يبني ابخطة المصرع
أريد أنظرك يوليدي صريع و جسمك  امقطع
للموت و ثغري ابتسم … خلها اشما تكثر عدواني
صوت أمي من الخيم … قبلك أستشهد وصاني
و أخط إسمي … بحبر دمي …يا عمي

جثث أنصارك السبعين صرعى اهناك  جدامي
و شبلك علي الأكبر ذاك طايح و الجسم  دامي
كل  هذا و تريد ارجع و أرد يا عمي  لخيامي
لا  وجداني يرضاها و لا يقبلها  إسلامي
يا  عمي  حان الوعد … خل اتحنه ابدم  شرياني
ويّه الحسن عندي عهد … قبلك أستشهد  وصاني
و أخط إسمي … بحبر دمي …يا عمي

و اخبرك بعد يا عمي تراني امدوهن و محتار
أظل  ابكربله يمك لو أتعنه  للمختار
الزهرة تنتظرني اهناك و أبويّه الحسن و الكرار
عنك من ينشدوني أقلهم عفته بين  أشرار
راح  أقصد الفاطمه … و حيدر جدي  يتناني
و الحسن بالملحمه … قبلك أستشهد وصاني
و أخط إسمي … بحبر دمي …يا عمي

ابحاله الطفل منها يشيب توادع جاسم و عمه
شهر سيفه و نزع درعه و لبس فوق الصدر  عزمه
و ساعه و لن عله التربان طاح امخضب  ابدمه
و صاح ادركني يا عمي و عساكر حاطت  ابجسمه
يا  عمي حان الأجل … الموعد يم جدك  تلقاني
و  الوالد ابها الأمل …قبلك أستشهد  وصاني
و أخط إسمي … بحبر دمي …يا عمي