صفاها صفاها

صفاها صفاها.. للحومه صفاها… يالرايد شهود
بدر  الهواشم زوده.. وشاطي الفرات شهوده… يالرايد شهود

شبل  الضخرته  بكربلا يواسي حسين.. بادر برايه والبصيره  برايه
وضخرت رايه وبيها تأييد الدين… والنعم رايه وعتلت  هالرايه
برايتك وبنك يا علي گر العين.. والراية آيه وبيمين الآيه
يتلاها  يتلاها  والآيه يتلاها…صارم  المجهود
وماگصر  بمجهوده.. وشاطي الفرات  شهوده
يالرايد                           شهود

والكون من يعبس بوجهه يهلهل… منك رسومه ومثّلك  برسومه
ومن  العرين يصيح ليث ومشبل عندك علومه وما تضيع علومه
صل يتلوه ونفخ من غاره الصل.. واطلگ الحومه وشعل نار  الحومه
طفاها  طفاها بآيتك طفاها….نيران  الوگود
وآيات المشهوده.. وشاطي الفرات  شهوده
يالرايد                           شهود

شد  عالجمع عزمه وتفرس گلبه.. وعالجمع دمدم بيه سخط من  دمدم
كفّت  مداريع الزلم عن حربه.. والحرم دلهم بيه زهر بيه  دلهم
والشارد أعمى وما يوچّد دربه … والثبت أسلم والشرد ما اسلم
راواها راواها للزلم راواها….ساعة الموعود
وتشهد  بلم وعوده.. وشاطي الفرات  شهوده
يالرايد                           شهود

بالليالي عيون هاشم چي تنام…وبمازلها نشرت سود  الأعلام
لو  عماها  السهر أبدا ما تنام… والحزن كل جيل زاد بجيلها

جيل  عن جيل الحزن عدهم يزيد.. ولا يمل لو مسى ويصبح  جديد
وما  يطيب  الجرح نوح ولا يفيد…ولو دموع العين دم تسيلها

يا هلي الخله يستروها العمام.. وما على الذله نواضرهم تنام
يا  هلي هاي الأرامل والأيتام.. تعتب ولا تسمعون  عتابها

يا  هلي لو چان عتبي على الصخر.. حن على حالي وتفسر  وانفطر
أيست ودموعها تجري حمر.. بموت أهلها من يرد جوابها