شاعر: كاظم منظور الكربلائيرادود: حمزة الصغير
صاح ابو محمد صاح…. يا ضوه عيوني
گلبي بالسم إبتلى…. وعينك على العايله
يا ضوه اعيوني
صاح ابو محمد….. صد لي يابن أمي
ما سوى المعبود…. يعلم بهمي
شاهد بعينك…. هل نشف دمي
گوم لم أهلك گوم…. خل يودعوني
وهاي إلي متسجله…. وعينك على العايله
يا ضوه اعيوني
حن ابو السجاد…. وانتحب يمه
وشاف ابو محمد…. بيه مضى سمه
والحسن دنّاه…. وبالنحر شمه
تعلم وما يخفاك…. غدر چتلوني
والمصاب تمثله…. وعينك على العايله
يا ضوه اعيوني
مودعه عندي …… من أمك الزهره
بذمتك صارت…. زينب الكبرى
تحمل خلها وياك…. للصبر أمره
يابن ابويه وبحشاي…. ثگب چانوني
وچبدتي متمثله…. وعينك على العايله
يا ضوه اعيوني
هاك إخذ ياحسين….. ثمر دلالي
جاسم وصريت…. بيه آمالي
للربه يوافيك… بدمه الغالي
صاح لحسين يكون… ينذبح دوني
والشهاده بكربلا… وعينك على العايله
يا ضوه اعيوني
مصدر النقل: موقع القصائد الولائية
2مشاهدة