رادود: حيدر أبو سجاد
شيعتك يا بو حسين
كلما يمر شعبان
شيعتك مولاي كلها إمعيده
يم أبو السجاد ليلة مولده
إتنادي كلها إبصوت
رغماً على الأحزان
قصدت العباس تعلق له الشمع
للفضل من صار أبو فاضل نبع
تحمل إشموع و ياس
بالقلب و الوجدان
تهنئه ابها اليوم قدمها الزمن
عيد للإيمان ميلاده إنعلن
عطرت منها الكون
تتراقص الأغصان
بالفرح علقت للأكبر شمعته
إخذ من طلعت محمد طلعته
من وجهه أشرق نور
و بنوره إنس و جان
إبمنتصف شعبان من صار الفجر
سجدت إبمحرابها سجدت شكر
هو الذخر للدين
من مولده الأكوان
وياك فرحانين
وياك فرحانين
هالشهر عهد الولاء إتجدده
إتبايعه إبطف كربله و إتعاهده
وياك الحد الموت
وياك فرحانين
بالفرح هلت عله إخدود الدمع
صيحة التكبير ظلت ترتفع
و إتنادي يا عباس
وياك فرحانين
مولد السجاد إلك يبا با الحسن
الحور تنثر ورد من جنة عدن
و التين و الزيتون
وياك فرحانين
إبحضن أبو السجاد لمن شافته
بسمة القرآن جانت بسمته
يتحده ليل الجور
وياك فرحانين
إتيممت للنور آيات النصر
من بعد ميلاد سلطان العصر
ناصر المظلومين
وياك فرحانين
مصدر النقل: موقع القصائد الولائية
3مشاهدة