شاعر: كاظم منظور الكربلائيرادود: حمزة الصغير
زينب تصيح تصيح والدمع هالي
للخيم رد المهر سابح بدم حسين…والدمع هالي
شاطت الحره بگلب منكسر مهضوم…… تندب إخوتها
ولها ماتشوف الدرب بس تگع وتگوم….. من مصيبتها
والدمع من دم يصب ومن جبد مالوم…..علت صيحتها
الله الله الله … وش_ج_رى ب_ح_ال_ي
عيّن صوابه الدهر… خيّم علينه الخطر
يا شهيد الكونين … والدمع هالي
حدر كابوس الصبر والحريم تلوب…… منگطع بيها
بعين يتجادح جمر شابحه على دروب….. مرد واليها
ساعه لمن رد المهر والسرج مگلوب….مجبل عليها
تجر بعنانك ليش .. والسرج خالي
وين خيالك وگع…. وين گلب إخته إنگطع
وطيحته صارت وين .. والدمع هالي
تهمهم بعلم الكدر ومندهش شحالك….. ما تحاچيني
وماتضح لي الخبر تصهل شمالك…..وليش سابيني
أظن بحدود الخطر طاح خيالك…………ما تدليني
يالمهر بالله وياي… نفگد الوالي
خل نروح لمصرعه ….وخل نمر بالمشرعه
وننشد على الچفين… والدمع هالي
يا مهر گلبي اللي شب لمن تعلاك… والد سكينه
وطلعت من الطنب طلعت روحي وياك… ترعى والينه
جيت وابن أمي عگب وإحنا نترجاك……. بيه ترد لينه
والمرد لب حشاك… مرد دلالي
ضيعتني وضيعت.. ومثل عيني ما شفت
ضيعة صبي العين… والدمع هالي
همهم ودمعه جرى واصهل بتفصيل…….. واضح علومه
ضلوع أخوج مكسره وكسرتها الخيل…….. ياهلمهضومه
وظل على وجه الثرى والجروح تسيل…. وفاضت دمومه
بگصتي جبت وياي… من دمى الغالي
هاچ بيه تخضبي… وبالمصيبه تصوبي
وروحي ليه شتتنين…. والدمع هالي
من على التل إنزلت تجذب الحسره……… من ثگل همها
وبالمعاره شاهدت جثث عالغبره…………… معفره بدمها
حسين يابن أمي صرخت يعز عالزهره… ضلوعك تلمها
يفصلونك تفصيل …. مو على بالي
حرت من جسمك شلم…… هالله هالله بهالجسم
شرضرضو شمگطعين… والدمع هالي
توجهت للمشرعه تصيح يا عباس… ياضوى عيوني
تظل جثه مگطعه ومنفضخ لك راس.. وآنه يسبوني
وآنه روحي مودعه بروحك ولا باس…من يچتلوني
والسهم والعمود… گطع آمالي
ساعه ويصير النهب… ونار بخيامك تشب
وإحنا ساعه وماشين.. والدمع هالي
مصدر النقل: موقع القصائد الولائية
3مشاهدة