شاعر: ميرزا عادل أشكنانيرادود: أحمد الباوي
رايه من جف القمر …تنتظر يم النهر
يمته يوم المنتظر… و إتنادي واويلاه
رايه من جف عمك إشقد بإسمك إبطول العمر
ظلت إتنادي و بعد ما ظل جلد بيه تنتظر
رايه مدمعها إيهلي…و بيها أثر قبضة علي
تنتظر جف الولي…و إتنادي واويلاه
الرايه ما طاحت لأن يبن الحسن عمك سبع
يدري جفه ينفصل لاجن قبلما ينقطع
و هو من فوق الفرس…دقها عالشاطي و غرس
ظلت الآخر نفس… و إتنادي واويلاه
قوم و إحمل راية الكافل و ابو فاضل إلك
ضمها و هي إعله النهر تربي النظر تتأملك
الرايه و بدمع اليكت…تنتظر هذا الوكت
يمنه يسره تلتفت… و إتنادي واويلاه
الرايه تحله إبساعدك و الواعدك رب العله
من عقب مكه القصد لمن ترد طف كربله
إهناك عند العلقمي…دمعك إنشوفه إيهمي
و إعله جفه ترتمي… و إتنادي واويلاه
مصدر النقل: موقع القصائد الولائية
4مشاهدة