رايد لقاءك روحي فداءك

رايد لقاءك…روحي فداءك
قمبر لبوك آني…عابس إلك ثاني
روحي فداءك

آمنت بالحب دين و اعليه ثباتي
و من أفضل الأديان بيه شفت ذاتي
و يحسين الك حبيت و حبك نجاتي
و ما جربت من غير حبك حياتي
مثل الله انته…القلبي سكنته
و حب الله خلاني…عابس الك ثاني
روحي فداءك

يا أيها المحبوب شاغل لي طاريك
ما عندي وقت أنساك وقتي ازدحم بيك
و مني يا بو السجاد خذ كلشي يرضيك
ما شفتك بدنياي بالجنة ألقيك
و مأمل هناك…اتلاقه وياك
هيهات تنساني…عابس الك ثاني
روحي فداءك

يا ابن الضوه و النور ساعة طلعتك
من كل جمال الكون أجمل عرفتك
تمشي بطريق الماي بس من يمنتك
و روس الملوك اتروح فدوه الخطوتك
ركضوا أعاديك…ما لحقوا بيك
بالممشه تلقاني…عابس الك ثاني
روحي فداءك

بثوب الصبح من جيت للدنيه يحسين
و اتشمك الزهراء رَوح و رياحين
و من شمك الكرار يا غصن ياسين
هاي اشتهت ملقاك كل البساتين
و كراري ذكرك…زهرائي عطرك
من شمّه وجداني…عابس الك ثاني
روحي فداءك

عدنه جرح يحسين ما حصّل اضماد
و عدنه ألف تنور و الناتج ارماد
عدنه أكو ماعون بس ما كو بيه زاد
و عدنه أكو امواجع بس ما كو أعياد
باقوا فرحنه…باقوا صبحنه
و ادعّه المرواني…عابس الك ثاني
روحي فداءك