دلوني دلوني يا ناس دلوني

دلوني دلوني …. يا ناس دلوني
زينب  و أريد المشرعه…. يا ناس  دلوني

آنه العفت عالمشرعه بدر التام …. زهرة  زماني
و  عيني عله العلقمي اشلون اسهام …. بيهن  رماني
و أمضه و أشد من كل سهم سهم الشام …. صگني و عماني
بعيوني بعيوني …. ما شوف  بعيوني
عدكم علم شمضيعه …. يا ناس دلوني

سباح صبري لا تلوه و لا مات …. حافظ  كياني
ما جزع قلبي امن الطعن و الطبرات …. صبري  كفاني
رديت من سبي الدهر و الشامات …. زينب تراني
تدروني تدروني …. و الشاطي تدروني
جفين عندي امقطعه…. يا ناس  دلوني

زينب أنا و من كربله مصيوبه …. و فاجده الوالي
وين التنشف دمعتي المسجوبه …. و تنظر  الحالي
ماريد  غير العلقمي و ادروبه …. ضيعت دلالي
خبروني خبروني …. ابعباس خبروني
خليته جثه اموزعه…. يا ناس  دلوني

خليت أخويه اعله النهر و اصوابه …. دمي  تجاره
و أديت مرسوم اليسر و احسابه …. و بقلبي  ناره
و اليوم إجيت الكربله طلابه …. و أطلب  أخباره
عينوني عينوني …. بأخباره  عينوني
و ابقبره منهو الودعه…. يا ناس  دلوني

آنه الحله ابفيي العلم مسرايه …. و الوالي  هيبه
لا  ظل  علم لا ظل حمه ولا ثايه …. اتسلمها  القربه
يالصوبتكم  كربله ويايه …. ابهاي  المصيبه
ودوني ودوني …. للعلم ودوني
وين الكفلني و مصرعه…. يا ناس  دلوني