حبيتك حب ما ينقاس

حبيتك  حب  ما  ينقاس

من زغري أشوفك للوفه  آيه
أسولف  عنك و عن مقبض  الرايه
لازم  تعرف هاي  الناس

أول  ما  عرفتك عشت  بضيوفك
يا هو القال يبن المرتضه  إنعوفك
ما  أترك هذا  الإحساس

عشقتك  يا بو فاضل من صدق  نيه
كل  شيعة علي لجلك  فدائيه
يا هيبه و يا رفعت  راس

يا أول حلم يمتلك وجداني
محبوبي و يردد بإسمك إلساني
عاهدتك  يا بو  النوماس

من شوقي و شعوري أوصف  الحاله
و  اليخدم قمر عدنان  هنياله
لليوم إجفوفك  تنباس

حيرت الوصف يا صاحب الشاره
كعبه إنت و تلوذ الناس  بكتاره
حي  زودك يا راعي  الباس

نذرت  الخدمتك  يا كافل  إسنيني
كرامات إشكثر شافت إلك  عيني
لو تخد مني الأنفاس

ذكرك  صار شوقي و جنتي و  دربي
مجنون إبهواك إمن الزغر قلبي
مذبوح و دمك نبراس

ما  حب غيرك يا  عباس

قرآن  الشرف عالعلقمي و مايه
و  بعد عندك زلم للموت  وفايه
ما  حب غيرك ي عباس

و  جم معصوم جان إيقبل  إجفوفك
عله إعناد الشماته إنروح و  إنطوفك
ما  حب غيرك يا  عباس

و جلمات العشق تبقه و تظل  هيه
تجيك إزحوف غصبن عالوهابيه
ما  حب غيرك يا  عباس

عالي  الراس طول العمر  خلاني
و بيوم الحشر حاشاك تنساني
ما  حب غيرك يا  عباس

شفت  قلبي إبهواك إنعقدت  آماله
يرتاح و يعيش امأمن  إبجاله
ما  حب غيرك يا  عباس

صحنك ما فرغ من كثر  زواره
و  بابك  يا شهم يتلقه  خطارك
ما  حب غيرك يا  عباس

و  بدت  هاي الموده بينك و  بيني
خليني أظل وياك  خليني
ما  حب غيرك يا  عباس

و إجيت أعلن إلك يا با الفضل حبي
لو  ما إنت ما جان إعرفت  ربي
ما  حب غيرك يا  عباس