جرح ويه الزمن يكبر

جرح ويه الزمن يكبر…مصيبة موسه بن  جعفر
عله الإسلام …حزن كل  عام
مصيبة  موسه بن  جعفر

مدامع شيعة الكاظم مشهد حالته  إترسمه
إبن  أشرف نبي مرسل إجه الهاي البشر  رحمه
المثل موسه إبن جعفر المذهب هيبته  بإسمه
حماميل أربعه إتطلعه تشيع عالجسر جسمه
غريب  الجثته مطروحه…مثل روح النبي روحه
صعب ينضام…حزن كل  عام

وي  شيعته إتواعدنه و إيحسبون الهذاك  اليوم
محرومين يتلاقون يوم الجمعه وي محروم
إجاهم لاجن إبيا عين شافوا حالة  المسموم
إبعباته و حزنه و إقيوده إمودع دنيته  المظلوم
قضت حسراته و إهمومه…لجم جرح الصبر  يومه
حكم  ظلام…حزن  كل  عام

الغيره الهزت سليمان شيّع ظنوة الطيبين
ما  هزت بشر مثله يشيع بالطفوف  حسين
ثلثتيام عالغبره أهل الغيره راحت  وين
و ضحايه كل ولد عمه و بنينه و صحبته السبعين
بقه  جسمه  عله الغبره…و راحت عيلته  أسره
و  مصاب الشام …حزن كل  عام

إبمثل  هاليوم يالكاظم أكو موقف  يألمنه
المصيبه  العلجسر صارت و صبغ ماي النهر  دمنه
و عله جسر الأيمه إبشوق نصبنا لك مآتمنه
جرح  ظل بالحشه ينزف وي ذكراك  يلجمنه
جرح  بغداد ما يشفه…دمعها اليجري شينشفه
نعيش  إجرام…حزن كل  عام