شاعر: السيد سعيد الصافي الرميثيرادود: باسم الكربلائي
جرح الملامه…نوح اليتامه
رحلة عذابي…قصة مصابي
نوح اليتامه
لو نقره قصة علي و نكسر قيوده
نسأل زمان السبي و نسمع ردوده
من المصاب الدمع جّرح خدوده
و بقلبه انقله الصبر جاوز حدوده
صاح ارحموني…لا تسألوني
إلكم جوابي…قصة مصابي
نوح اليتامه
لو أبدي من كربله و أحجي الجرالي
كلمن سمع قصتي يبجي اعله حالي
غير الدمع و الألم شنهي البقى لي
شاهدت طول الدرب سود الليالي
يشتد حنيني…يكثر ونيني
شفت بغيابي…قصة مصابي
نوح اليتامه
يا ناس أجاوب حرت عن يا مصيبه
آنا الجفاني الصبر و امنين أجيبه
من ليله مرت أشد ليله رهيبه
بضلوعي جمر الخيم يسعر لهيبه
عيله ابهضمها…عافت خيمها
تحمل عتابي…قصة مصابي
نوح اليتامه
هجمت خيول العده و زينب نختني
و اشلون أقومن صحت نار احرقتني
و بيا وضع عمتي حين اعتنتني
زادت عليه الحزن من ناشدتني
خبّر كفيلي…خل يعتني لي
هيبة حجابي…قصة مصابي
نوح اليتامه
ما أنسه طول العمر درب المشيته
رحت و إجيت بألم و بهم قضيته
بعيوني مثل الجمر دمع البجيته
و المنبر ابيا وضع من اعتنيته
صحت اسمعوني…زين انسبوني
يشرح خطابي…قصة مصابي
نوح اليتامه
ما يومه قلبي ارتوه ابماي الشربته
و حسين أبويه العطش ذوّب جبدته
موقف يهيج الحزن كلما ذكرته
ما أنسه ضرب الحرم بعيوني شفته
دمعة عزائي…حته بدعائي
تقره بكتابي…قصة مصابي
نوح اليتامه
بعد العذاب الجره و محنة رحيلي
لمصاب أبويه الدمع أصبح خليلي
أقضي نهاري بألم و بحسره ليلي
دسوا لي سم الحقد قطّع دليلي
عمري الختمته …ابسم الجرعته
و أصبح شرابي…قصة مصابي
نوح اليتامه
مصدر النقل: موقع القصائد الولائية
1مشاهدة