رادود: باسم الكربلائي
ثبت عباس حته ابقطعت إزنوده
توجه للخيم و سكينه مقصوده
لاجن حاير وقف من صوبوا جوده
يتعذر عمج يسكينه …معذور الطاحن جفينه
وقف عباس بين القوم و إتحير
رموا عينه إبسهم و إتحاوطه العسكر
و فرد عين البقت تنظر لبو الأكبر
لحسين و ظلت مشبوحه …ما مهتم عباس ابروحه
طر هامه العامود و صاح صوت إوداع
يخويه حسين إحضر للوادع إبساع
طاح امن المهر بيمن تلقه القاع
كون حسين ابهاي إيشوفه …من طاح و ما عند إجفوفه
إجاه حسين غاضب و الدمع يجري
يصيح إبصوت الآن إنكسر ظهري
بقيت أوحيد يا عباس ما تدري
يالكافل مو وكت النومه …وحيد حسين ابهاي الحومه
يا تاج الوفه بعدك يخويه شلون
رحت يحزام ظهري و بعد ما ظل لون
كلها إتهون بس فرقاك جيف إيهون
فرحوا من بعدك شماتي …و بجفك لمسح دمعاتي
مصدر النقل: موقع القصائد الولائية
5مشاهدة