شاعر: عبد الزهره عبد الحسين الكربلائيرادود: حمزة الصغير
تصرخ وديعة حيدر … يا مهجتي يامشكر
عباس يا والينه….جمر العطش مابينه
تصرخ وديعة حيدر
عباس يالحر الأبي … يا گمر هاشم منواي… ليك إعتنيت بمطلب
مثل لي خويه مطلوبي… لا لا تخيب رجواي …. ترضى الحرم تتعذب
لاتگول لا لا تعاتبي… وإنت چفيلي بدنياي… نار بدليلي تلهب
گلوب الحرم دم تگطر …. صوت البواچي تكاثر
خويه الهضم چاسينه…. عباس يا والينه
تصرخ وديعة حيدر
منت الگلت يا عباس… بحماي خدرچ يختي .. دونچ لضحي الغالي
من دون كل هاي الناس … بيك إعتمادي بجيتي …. وبيكم أمل آمالي
يالبيك أنا فعت الراس …. دسمع يا خويه ونتي …. وسمع ونين عيالي
نار بدليلي تسعر …. زاد اللهيب و وجر
وين العهد چا وينه…. عباس يا والينه
تصرخ وديعة حيدر
عباس يا راعي الشيم …. ترضى الحرم محتاره … جمر الضمه مابيها
تندب يا شيال العلم … جار الضمه بخطاره …. ترجاك يا واليها
هاي الولي زاد الألم …. للعيله سوي چاره … نار الضمه طفيها
يالبيك خدري يزهر … ياخويه گلبي تحير
وبحيره لا تخلينه … عباس يا والينه
تصرخ وديعة حيدر
عباس يالبيك الحمى… زينب تراني وأنخاك… لهفتي ردها ردها
مشتعله نيران الضمه … هاك إخذ جودك وياك…. گلوب الحرم ضمدها
هذي ودايع فاطمة … منواها اصبح رجواك.. غيرك أمل ما عدها
چنه الدهر إتغير…بالعكس أصبح يفتر
وبغربته سابينه … عباس يا والينه
تصرخ وديعة حيدر
مصدر النقل: موقع القصائد الولائية
4مشاهدة