تزهي الأكوان بفرحة شعبان

تزهي  الأكوان…إبفرحة  شعبان
ليلة  فرحه  و ليلة عيد…خل نتصافح إيد بإيد
تزهي  الأكوان…إبفرحة  شعبان

شهر  الخير الهل إهلاله… من شعبان
بهجة هادي الأمه و آله …من شعبان
أقمار اليوم التتلاله …من شعبان
و أصوات الفرحه التتعاله… من  شعبان
صوت الأفراح…بالعالم صاح
مولد  أقمار التوحيد…خل نتصافح إيد  بإيد
تزهي  الأكوان…إبفرحة  شعبان

أول أقمار المتوهجه… نور حسين
محبوب و جايب للبهجه… نور حسين
و الأصبح للهادي مهجه …نور  حسين
مشتاقه  و  نستهدي بنهجه …نور  حسين
و بهذا النور…مسروره الحور
و الناس إتردد ترديد…خل نتصافح إيد  بإيد
تزهي  الأكوان…إبفرحة  شعبان

نور  الشع و زاح الظلمه… نور  حسين
و المصباح الهاي الأمه… نور حسين
من هادينه و من ضي أمه… نور  حسين
و  مصداق الحيدر بالهمه… نور حسين
همه و إيثار …تسطع  أنوار
لو رايد لحسين إتزيد…خل نتصافح إيد  بإيد
تزهي  الأكوان…إبفرحة  شعبان

رايات الأمجاد إمطرزه …بإسم  حسين
و البيرق هاليوم إنهزه …بإسم حسين
يا سامع كل معنه العزه …بإسم  حسين
و المنهج ما يفقد رمزه… بإسم  حسين
يبقه المنهاج…مشعل وهاج
و شما مر إبيوم إجديد…خل نتصافح إيد  بإيد
تزهي  الأكوان…إبفرحة  شعبان

من  حسين الراعيها الغيره…  للعباس
هالمحفل بالفرحه إنديره …للعباس
ليث إحروبه إلمن تعبيره…  للعباس
و النوماس إلمن تفسيره…  للعباس
غيره و إحساس…شع  العباس
إنخاه إبغيرة هالحيد…خل نتصافح إيد بإيد
تزهي  الأكوان…إبفرحة  شعبان

إلمن هذا المحفل… ضوه للعباس
إلمن يرجع أصل… الخوه للعباس
خل تهلهل أمه و حوه… للعباس
أمه و حواء…إتهني الزهراء
هنوا الزهره إبها الصنديد …خل نتصافح إيد بإيد
تزهي  الأكوان…إبفرحة  شعبان