برهانه برهانه صبرك وبرهانه

برهانه  برهانه… صبرك  وبرهانه
من وجود الإيمان…. نص عليه  القرآن
صبرك وبرهانه… يزهر  بإيمانه

صبرك  يابو الباقر جميل وممدوح…. الله يعينك….. والصبر  تعيينك
صوبت  گلبك كربله وظل مجروح…. وتهمل عينك….. والمنايه  بعينك
من رد ابوك وجاب خيك مذبوح….. هيج ونينك….. وإنخشع بونينك
وجدانه  وجدانه…. طلسم  جدانه
صبرك لهذا الدين…. شرف عز الدارين
طلسم وجدانه….. يزهر  بإيمانه

صبرك يابو الباقر مرد دلالك…. أثر الونه…..وعالشباب  الونه
وصواب عملت كربله چتالك…. ما برت منه…..وبجدهتك  منه
تنسى  الشباب  المددوه اگبالك…. جاسم تحنه…. من دماه  تحنه
عنوانه عنوانه….. بارز  بعنوانه
سجل بيوم حسين…. نص إراده  وتمكين
بارز بعنوانه….. يزهر بإيمانه

صبرك يابو الباقر صبر ماسادي…. مو صبر آيه…. تنطبق  عالآيه
شصبرك من زينب لفت وتنادي… طاحت الرايه…. واليزم  الرايه
گتلوا  چفيل مخدرات الهادي…. تاهت السايه…. والتهم  بالسايه
سكانه  سكانه… والسمه  وسكانه
صبرك علم منشور…. للعوالم دستور
بالسمه  وسكانه…. يزهر بإيمانه