بالهضم من غيبتك

بالهضم من غيبتك …. يا محمد  أمتك
ما تصعد ليها …. شعملوا بيها

و انت بأيامك نبينه اجمعت كل  الحسنات
بالفراسه  بالسياسه بالصدق  بالتضحيات
اليوم  قوم  الوضع شوفه قوم عاين عالطغات
بالنذاله بالعماله بالجذب حملت  صفات
و احنه وسط العاصفه …. و السفينه  امزرفه
يا هو يحميها …. شعملوا بيها

من  عقب  فقدك نبينه اشعملت أرباب  الغدر
من كسر ضلع الزجيه و عهدنه اللي  يمر
هضم  و  إرهاب و أذيه اجرعنه آلام  اشكثر
اشوكت عل الضيم نصبر و انمله جاس  الصبر
لش وكت نجرع هضم …. طالت اسنين الظلم
اشلون تاليها …. شعملوا  بيها

بالهضم  ظلينه عقبك صفوة الباري  الأمين
و الدمع يجري ابجفنه بالقلب ظل  الونين
من غبت نور الرسالة و الأسد ظل  بالعرين
كسروا اضلوع الزجيه و ما لقت واحد  معين
تشجي ظلت فاطمة …. تنخه حماي  الحمه
من أعاديها …. شعملوا بيها

شحجي  عن الحسن عقبك صار مضرب  للمثل
بالكرم بالجود بالعز بالسياسه بالعمل
تالي بيد أهل الرداله طاح إبن مير  النحل
ما كفاهم جبدته …. صوبوا حت  جثته
عقب داحيها …. شعملوا  بيها