بالعترة وصه المختار **جانت تسمعه أصحابه

بالعترة  وصه  المختار **جانت تسمعه  أصحابه
راح النبي و شوف اشصار** بالعتره بعد  إغيابه

ينكر محمد يا بشر من ايريد ينكر وصيته
كل المصادر أكدّت وصه الناس عن أهل بيته
لو  ردنه  نسأل عالسبب نكروا ليش ليلة  منيته
راد إلهم الخير النبي لمن راح رادوا  أذيته
للهادي  بغض الأشرار **معروفه زين  أسبابه

حجة وداع المصطفه و التبليغ عن  الولايه
مصدر سبب هذا الحقد للتكفير جانت  بداية
من رفع إيد المرتضه داحي الباب سيد  البرايه
و  الحسد بيّن و البغض و الها اليوم ننطي  ضحايه
ضد الوصي حامي الجار **صارت الأمه  إذيابه

أول ضحية فاطمة خلف الباب كسروا  ضلعها
بضعة محمد بالحزن ليل إنهار يجري دمعها
جي  صاحت الوالي علي صابه الغيظ لمن  سمعها
بالمحسن و كسر الضلع جف ملعون الأول فجعها
و لن دمعة أم الأطهار** فوق الوجن  سجابه

سنوا  عله العتره الظلم يوم البيه ظلموا  الزهره
ما  بين سموا جبدته و المذبوح خلصوا  العتره
و  هذا علي الهادي التقي ابسامراء هدموا  قبره
نفس  الأشرار  ابكل زمن موجودين للحقد زمره
كفروا إبدين الجبار **حاربوا نور  إكتابه

سامره صورة فاجعه كل مضمون سر  إعتقادي
للثار كل صبح و مسه بيها إيصيح صوت المنادي
يمته يصيح المنتظر يا مظلوم يا علي الهادي
هدموا  قبرك و السبب جدك جان بالفضل  بادي
و بيا وكت راعي الثار **ينهض يصفي  إحسابه

لو  كل  مصيبه سيدي إنقول إتهون يبن  الزجيه
ما  نقدر اليوم الحشر ننسه اشصار  بالغاضريه
جدك  حسين ابلا دفن الثالث يوم جثته رميه
و  عمتك زينب عالهزل لرض الشام راحت  سبيه
شبحت  لخوها الأنظار امسلبه إتشوف  إثيابه