إشهد يبارينه نرفع أيادينه

إشهد يبارينه …نرفع  أيادينه
للوحده نادينه…بيعه  لمهدينه
نعلن  الوقفه الصادقه…للذي يريد  التفرقه

قبل  لا نبدي إبحجينه صلوا عالهادي  محمد
لأن  عدنه  حجي الليله بيه واقعنه  إيتحدد
صرنه في مفرق طريق و صار موقفنه مهدد
نرجع  الأول مربع لون ما جفنه  إيتوحد
يا  شيعه وحدتنه…عزنه و  كرامتنه
و  الليله نيتنه…إنعاهد أيمتنه
إبرفع  الأياي  الواثقه…للذي يريد  التفرقه

اليوم  كلها  الدنيا ضدنه و ضدنه حمله  عالميه
حاربتنه  إبكل جهدها بغضاً الحامي  الحميه
بدأً  إببث السموم إبكل إذاعه و  فضائيه
و إحنه كل تدخل خل ينادوا  رافضيه
و  البينه ما إلها…نرفض  تدخلها
ما  نقبل إبحلها…عالمنبر إنقلها
وحدتنه  صرخه ناطقه …للذي يريد  التفرقه

إصبر ولا ترخه لحظه حته لو بايع  أثاثك
هيه  هاي الدنيه كلها إتريد تتناهب  تراثك
و إنت صوتك صار نصره و منبر حسين إستغاثك
إجتث  البعث  إبجذوره بس يرد يبدي إجتثاثك
دوله  حسينيه  …ما بيها  بعثيه
منبرنه حريه…لا لا للعبوديه
كلا لأهل الزندقه …للذي يريد  التفرقه