شاعر: السيد عبدالخالق المحنّهرادود: باسم الكربلائي
إجيتك خايفه و حان العتب وياك
جبت بيدي الجفوف و جربتك و إلواك
أريد أقعد إقبالك و أنتحب و أنخاك
بلكت تقعد و إتحاميني …و إتشوف إشقد إمأذيني
إذا عذرك إجفوفك إخذ مني إجفوف
إذا عذرك إعيونك إخذ عيني و شوف
وين إنروح باجر خويه ما معروف
و النوق الهزل جابوها …زينب لا وين ايودوها
على بختك يخويه قوم ساعدني
إذا أرجع عليك إسكينه تنشدني
صدق يا با الفضل أنخاك و تردني
هاي الما جانت محسوبه …نايم و إعيالك مرعوبه
دقوم وياي نومك هسه مو وقته
يخويه و الإخو يفزع الصوت إخته
يعباس القلب عالنهر قطّعته
دجاوبني يخويه ليش هالسكته
لو تنهض و اتشيل الوانه …لو أرجع منك زعلانه
إذا تقبل يخويه قول أقبلها
و خل غيرك يحدي ابمحاملها
تظل زينب يسيره بيد عاذلها
و كفيلج وين جم واحد يقل الها
حيف إويه إعداك اتخليها…بس راسك ظل إيباريها
مصدر النقل: موقع القصائد الولائية
3مشاهدة