رادود: باسم الكربلائي
منبر للحسن بالنوح ينصاب
و دمعنه ويه دمع حسين ينصاب
إبسم الحقد جبده ليش ينصاب
جا هذا الجزه السيد البريه
زينب عالمصاب الصار عنها
تصد ليه يبو السجاد عنها
يخويه حسين نحي الطشت عنها
عليك إبكسر ضلع أمنه الزجيه
تقله اعليك صار النوح يحسين
إعظامي بالألم كل يوم يحسين
يخويه لا تنحي الطشت يحسين
على امصاب الحسن آنه اشبديه
أسوم اولا نفعني الصبر بالسم
نحل جسمي و صرت بالايد بالسم
الحسن هالليلة جبده انفطر بالسم
و نواسي بالحزن امه الزجيه
يقول الحسن مني اشصدر و انعاد
بالأف لوعه مصابي انحسب و انعاد
ابقطع جبدي رجع يا ناس و انعاد
كسر ضلع أمي بت خير البريه
الحزن ساعه ابجواري ساعدوني
و لا للصبر واصل ساعدوني
اعله فقد إبني يشيعه ساعدوني
المصاب الحسن خل ننحب سويه
المصايب بيج لا أهلن وسهلن
الجبال تنوح لمصابي وسهلن
اشتظنون المحن هانن وسهلن
الحسن عقبه المحن كلفن عليه
الدهر دومه عليّ بالطيب ما راح
و زماني للفكر لحظه ما راح
اخويه الحسن هذا اليوم ما راح
جن راح النبي من بين ايديه
مصدر النقل: موقع القصائد الولائية
4مشاهدة