آنا زينب الكبره قلبي إعله الحسن مالوم

آنه زينب الكبره قلبي إعله الحسن  مالوم
أنادي إبلوعه و الحسره يا ويلي عله  المسموم

أخبرك يالتناشدني دمعي اليا سبب  يجري
أخبرك عن هضم بلواي ياللي إبحالي ما تدري
صبرت  و  الصبر يا ناس ما واحد صبر  صبري
و اللي فجر إدموعي يهالوادم سهم  دهري
بأول  عمري مفجوعه …و جفني فجّر  إدموعه
عن يا محنه يا لوعه
أسولف آنه و العبره من عيني تسيل  إدموم

أخبرك و الخبر عندك يا سهم المرد  جبدي
أخبرك لا سهم و إثنين جرحهن بالقلب  يدي
أضمد هذا ينزف ذاك و ما ظل كل أمل  عندي
إفقدت أمي إبزغر سني و أخويه ووالدي و جدي
إبمرور الزمن و الأيام …غدت تتكاثر الالام
رمتني النايبات إسهام
أبداً  ما  خطت مره إبقلبي إتظل تذكرني  للدوم

إبصبر  حيدر أبويه آنه قابلت إشجره  بدنياي
ما  يوم  الدهر ابداً رحم بيه و نصح وياي
رماني إسهام مسمومه و مركزهن صبح  بحشاي
دليلي بيهن إتصوب …و بقيت أتلوع و  أنحب
يهالوادم أنا زينب
سطرني  جم  سطره و ما أدري إشبعد  مضموم