هاك إسمع نداء الروح

هاك إسمع نداء الروح…… مابين العرش واللوح
دمك يا علي مسفوح…… مابين العرش  واللوح
مولاي  يا بالحسن ……رجواي يا بالحسن

كنز الحكمة وجدانك قلبك خازن  الأسرار
إيمانك يشع أنوار للعالم يحامي الجار
يا كرار سيفك صار شفرة نار  عالكفار
بيوم الثار إلك بتار خله النايحة بكل  دار
يانور الإله الغاب…… بين الكعبة  والمحراب
وللحق  ناظرك مشبوح ……مابين العرش  واللوح
مولاي  يا بالحسن ……رجواي يا بالحسن

وجدانك يا داحي الباب أصبح حجة الرحمن
بالإيمان إلك عنوان خالد ظل مدى  الأزمان
يا  ريثان سيفك جان بركان وعلى  العدوان
بالقرآن  إلك برهان تشهد له الإنس  والجان
بفضلك  تشهد  الآيات والإنجيل  والتوراة
بابك  للعلم  مفتوح…… ما بين العرش  واللوح
مولاي  يا بالحسن…… رجواي يا بالحسن

يا ريح الهاب قلبي ذاب لمن طحت  بالمحراب
شلون أصواب دهري صاب راسك والصواب الصواب
والمحراب عالأحباب صار أظلم يا داحي الباب
جم  مصاب  فوق مصاب صابك والجرح ما  طاب
دمك يجري عالغبره ……ظل ينبع من  الطبره
تدري  شجم  قلب مجروح ما بين العرش  واللوح
مولاي  يا بالحسن…… رجواي يا بالحسن