وين بنعش أبونه تريد بيه ريض يشياله

الموال
طيفك عايش بين عيوني لكن شخصك عني  إبعيد
لا  ينفع بغيابك صبري ولا دمعات عيوني  إتفيد
بويه وما تممت صيامك وهذا الي خله دمعي إيزيد
شلون أفرح شلون أفرح بعدك شلون أستقبل  هالعيد
—–
وين بنعش أبونه تريد بيه ريض يشياله **مجبل على الناس العيد ليش تيتم  أطفاله

لا  تبعد ويا حامي الجار ريض والنعش رده **ما تسمع يتامه الناس تبجي وتنحب لفگده
يا هو الي يحن على المسكين وعلى الأرملة بعده
خله  يتمم صيامه ** ويقضي العيد وأيامه ** ضلت حرم  وأيتامه
تبجي وتصرخ لفرگاه **ومن هالعين  هماله

فجعها بجتله لمرادي وخلاها عليه تنوح ** والمنبر يون عليه والمحراب دمه يفوح
ما جان يخطر على البال من هالفخر برده  يلوح
راسه ينجسم نصين ** ويحوم عليه البين ** يا وسفه على أبو الحسنين
ريته من الجتل يسلم** ويفنه العالم  بداله

حيدر شيد الاسلام صمصامه ورفع شانه ** وجاهد دون دين الله ولمن شيد  اركانه
داحي الباب بالميدان تشهد بيه عدوانه
هو السيف المجرب ** وصمصامه طبر مرحب ** لو طب للحرب وأغضب
أبداً ما يهب الموت** يوم الحرب وأهواله

حيدر ما يهاب الموت كيف الرجس ما هابه ** تعنا له وطبر راسه وهو ساجد  بمحرابه
خضب  شيبه بدمه وهز الكون بمصابه
وخله الوادم بعبره ** وحسرة تجوب أثر حسره ** وسفه على لآية الكبره
بن ملجم يصل حده **وسفه يصير جتاله

بهيده ويا الوصي الكرار لو ردتم تغسلونه **كلف جرح الذي براسه وخافن انكم تلجمونه
وضل الدين لفراگه ينوح وتسجب  عيونه
دين  المصطفى وشرعه ** ولفراقه يهل دمعه ** رج مصابه الوسعه
عسن لا هل شهر رمضان** وريته وبين هلاله

بليلة قدر من رمضان فجعها بجتل ابو الحسنين **وخل الوادم بحيرة ما تدري الوجه لا  وين
يا بن ملجم شلك عتبة على الأمة وشلك من  دين
تطبر حيدر على الراس ** ومن تخمد الأنفاس ** وتسيب يتامة  الناس
يا هو اليحن على المسكين **عقبه ويعطف لحاله

ضل  روح القدس ينعاه وما بين السمه ينادي **تهدم ركن دين الله وطاح بسيف  المرادي
وقع مصيوب بالمحراب أبو الحملة الوصي الهادي
بالدم  انخضب حيدر ** لأجله العالم اتغير ** يا ريت الفجر لا  طر
الي بيه انصاب ابو الحمله** وفقده يتم  عياله