شاعر: جابر الكاظميرادود: باسم الكربلائي
للإسم الإعظم ظهرت علامه …. بين النبوه و بين الإمامه
سرك يحامي الجار …. من أعظم الأسرار
تعاله الباري سبحانه ابقدرته و كون الذره …. جعل كل ذره بالعالم تدور و تسبح بأمره
اخلقك ربنه جعل ذاتك محيط العالم القدره …. خلق للإسم الإعظم سر يحيدر و اجعلك سره
رب العوالم آمر عباده …. بسمك تردد ثالث شهاده
يا من وجودك صار …. من أعظم الأسرار
حديث المطصفه الهادي يوضح للبشر مضمون …. يحيدر ما سوه الباري و رسوله السرك يعرفون
و بس إنته و رسول الله عرفتوا سر إله الكون …. و إنته و ربك و لا غير بسر المصطفه تدرون
و احنه القدرنه نوفي الحقيقه …. و الباقي كلمن ابطريقه
هذا الحديث الدار …. من أعظم الأسرار
يحيدر ما عله اليجهل عتب لو ما عرف قدرك …. مثل ما قلنه بس ربك و رسوله العرف سرك
معاجز قدرة الخالق يمن كنز العلم صدرك …. إمام و شيعتك إحنه تبعنه نهيك و أمرك
شرف وجودك رب البريه …. رسمت خلودك إيده الخفيه
هالحكمه للجبار…. من أعظم الأسرار
الإمم صارت رموز إلها و كل أمه برمز تفخر …. و إنته بمملكة مجدك إلك جف المجد أشر
الخلايق كلها شهدت و حته الخصم يا حيدر …. عجز ما يقدر يساوي شسع من خادمك قنبر
فضلك ايحدد معنه الدرايه …. إنته البدايه و إنته النهايه
مجدك يبو الأطهار…. من أعظم الأسرار
أجل و أطهر أعز و أشرف معاني واهبك ربك …. العلم منك أخذ علمه جعل دربه بأثر دربك
الشجاعه منك اكتسبت الشجاعه بسلمك و حربك …. الصبر منك أخذ صبره تعلم من صبر قلبك
نار الحرايب جاعلها بيدك …. و اعليها تدفع زمرة عبيدك
هالقدره و الإيثار…. من أعظم الأسرار
علي بهالدنيه ما مثلك رفع لهل العلم معلم …. علي و باسمك تدور أفلاك اسم الخالق الأعظم
علي و رب العرش بيدك مفاتيح الحشر سلم …. ابيمينك جنة الباري ابيسارك تسعر اجهنم
ما غيرك إنته الصديق الأكبر …. الفاروق الأعظم شخصك يا حيدر
سر جنتك و النار…. من أعظم الأسرار
إذا عدنه أمل واحد أملنه بيك يا الأنزع …. بيوم الما تفيد أموال بيوم الما ولد ينفع
يبو السبطين ما غيرك دخيره للمحب يشفع …. خسر كلمن نكر حبك مهما يسجد و يركع
شخص اليجعل بيك إلتزامه …. تشفع إنته بيوم القيامه
هالرحمه يا كرار…. من أعظم الأسرار
مصدر النقل: موقع القصائد الولائية
2مشاهدة