صيح يا علي يحضرك

صيح  يا علي يحضرك… صيح يا علي

صيح يا حيدر يحضرك بالشدد  معروفه
مو  عله السهله نندبه بالكلافه  إنشوفه
ندري سر الكون كله ينوجد  بحروفه
و الله مشتبهه النواصب كل عقلها إنعوفه
بالحشر  منهو الينصرك … صيح يا  علي

اليحب حيدر نعرفه ما تضيع  إعلومه
دوم  ننظرها إبجبينه غيرته مرسومه
اليموت إبشوق حيدر قلي ليش  إتلومه
هيه فرقه اللي تفوز و التظل  مهزومه
ياللي ما تهواه أحذرك… صيح يا  علي

مستحيل  إتعيش  بذره و النهر  ناسيها
ما  تصير  الدنيه دنيه لو علي ما بيها
يا علي قبل الولاده ويه أمي  أحجيها
هيه  كلمه إتحبها أمي علمتني  إعليها
يبني  بالجنه أبشرك… صيح يا  علي

لو  تصير  الدنيه ضدي و الخطر  يبرالي
غير  يا  حيدر أدركني ما تمر ببالي
آنا  مهما  أحجي عنه و بالغت  بأقوالي
الحقيقه  إتقول حيدر يبقه عالي و  عالي
يالمحب  في يوم عسرك… صيح يا علي

النبي  تولع قبلي هاي مو  منكوره
قال نفسي و قال روحي بالكتب مذكوره
باب خيبر لسه ظلت بالهوه مشموره
و  البعض لليوم ترجف من علي  مذعوره
لو  ردت  تتحده دهرك… صيح يا  علي

موسه  قال اسم الصميده من شمر  عصاته
من ذكر أيوب إسمه إنتهت  مأساته
نوح  خايف  بالسفينه و يلهج بآياته
كل  نبي  لو راد يدعو إبيا علي دعواته
يا  نبي  ربك يأمرك… صيح يا علي