شاهد يغايب حالته

شاهد  يغايب حالته …. لا تنسه يوم  امصيبته

يبن الحسن صابر اشهذا الصبر …. لش وكت
تصبر يبو صالح اشعند عذر …. و  اصبرت
ابجدك علي السجاد يبن الطهر ….  شسمعت
من عقب محنة كربله …. راح ابسبي اويه  العايله
امجتف يمينه ابيسرته …. لا تنسه يوم امصيبته

و  الله يبو صالح يحير الفكر …. و  العقل
امن احجي امن اتيسر اويه الشمر ….  عالهزل
وياه مجتوفه بنات الخدر ….  بالحبل
امن الكوفه للشام ابيسر …. أخذوا ابن فارس بدر
عدوانه  تبجي  الغربته …. لا تنسه يوم  امصيبته

للشام طب و صار يبن الحسن ….  للعده
فرجه  و  دموع العين يتهاملن …. و  ارتده
ثوب  الصبر  و الشمر يحدي الظعن ….  شاهده
و  جابوه الجدك للقصر …. مجتوف بحبال  اليسر
و  تجري عالخد دمعته …. لا تنسه يوم امصيبته

و  ما  بين ايدين ايزيد حاير وقف …. بالقصر
و من الحبل و القيد لونه انخطف …. و الصبر
محتسب صابر عالهضم …. و ابولية ايزيد الخصم
و ابكتره تصرخ عيلته …. لا تنسه يوم  امصيبته

كلما يصد بعيونه بين العده …. و  يلتفت
راس ابو اليمه والده ايشاهده ….  بالطشت
بالعصه ايضربه ايزيد راعي الرده ….  مشتمت
شيسوي  شيجاوب علي …. شيقله ووهوه  منولي
و طوق الحديد ابرقبته …. لا تنسه يوم  امصيبته