خدمناك

خدمناك…نعيش الدنيه كلها بخدمتك و اسمك  جمعنه
خدمناك…نحس  ناقص عمرنه ابيوم اذا ما هل  دمعنه
عرفناك…و    اليعرفك    صعب    يحسين    ينساك
هويناك…عوض     عن    النبض    خلينه     ذكراك
خدمناك…خدمناك

بكثر     ما     بالهوى     يتنفس    الكون     بجيناك
يلوحه     من    الجرح    بدموع    العيون     رسمناك
إذا    اسمك    يمر    ينطي    العمر   من    كبرياءك
نشوفك   مو   صعب   لمن   نطب   مجلس   عزاءك
انتمينه   لك   لأن   شفنه   الوطن   بس   كربلاءك
عشقناك…عشقناك
خدمناك…لأن شفنه الشرف رغم اليتبعك خادم اسمه
خدمناك…و  اليخدمك  إذا زاد العتب لا لا ما يهمه
تبعناك…مشيت   و   خطوه   خطوه  امشينه   وياك
لقيناك…عله   اعناد   الزمن   إي   و   الله   شفناك
خدمناك…خدمناك

بأّلا     من     ناصرٍ     رغم    المسافات     سمعناك
و   لأن   جان   بصده   استنصارك   آيات   قريناك
يمصحف   و   الجرح   فوق   الرمح   رتّل   صمودك
النفس   بيك   ارتوه   حته   الهوه   عاش   ابوجودك
نظل     نتذّكرك     و     بمنبرك     نفهم     خلودك
فهمناك…فهمناك
خدمناك…خدمتك  وين  ما  جانت يبو الأكبر نجيها
خدمناك…لأن  ما  غيرك  اليستاهل  العين  و   بجيها
كتبناك…قصيده     و     بالحشر    بيها     انتلقاك
شكرناك…لأن    خليتنه    انعيش    اعله    طرواك
خدمناك…خدمناك

يقين     ابكل     مجالسنه    تجي    تشوف    نعيناك
تشاهد      بالصدر     آثار     الجفوف     شهدناك
البجالك   و   اليون   يهوى  الحزن  ليله  و  صباحه
يمن    حته    الفجر    من    تنذكر   تسمع    نياحه
محرم   لو   دهر   مو   بس   شهر   كل  تعبه  راحه
ذكرناك…ذكرناك
خدمناك…نعيش الدنيه كلها بخدمتك و اسمك  جمعنه
خدمناك…نحس  ناقص عمرنه ابيوم اذا ما هل  دمعنه
عرفناك…و    اليعرفك    صعب    يحسين    ينساك
هويناك…عوض     عن    النبض    خلينه     ذكراك
خدمناك…خدمناك