لبيك لبيك يا رافع لواء الإسلام و الدين

لبيك لبيك
آه يحسين لبيك

ابصوتك عطلت  الأفلاك
وحيد و دايرين ابشخصك  إعداك
ما ظل من هلك بالكون وياك
كلهم نعب بيهم طاير  البين

وحيد و تستغيث ابين  هالقوم
أمامك و إخوتك ذوبتها اليوم
ظلت  بس حريمك تقع و  اتقوم
تصيح إنت و يصيحن  بالصيواوين

يخويه  الله يعينك يبو  السجاد
عليك  أهل  الغدر لزموا  الموراد
فعل بيك الدهر يحسين ما  راد
ضحايه  اعله  الأرض من غير  تكفين

يخويه الله و أكبر دارت إعداه
ما  واحد  يسل مرهفه ابيمناه
ما ظل من عمامه و إخوته  اوياه
كلهم  مسوا  عالغبره مطاعين

بيمن تستغيث و كلها  عدوان
و إخوك اعله النهر من غير  ذرعان
ما ظل بالمخيم غير  نسوان
إلمن  بعد ترجه و شابح العين

قلي  اشلون بينه إخلاف  عيناك
أخاف  اعله المخيم تهجم إعداك
إخذنه  للذبح  يحسين  وياك
يسبن  عقب عينك  هالخواتين

يحيدر ما تطر القبر و إتقوم
و تشوف اشلون بإبنك دارت  القوم
بيك إمخدراتك قامت إتلوم
و إتنادي يفارس بدر و  إحنين

ما تنهض عجل يحامي  الجار
تشوف ابكربله اعله إشبولك اشصار
خلصوا بالمعاره إزغار و إكبار
بالحومه وحيد و ما إله  إمعين

ساعه  و  إعتناني المهر خالي
و  أفقد يا علي عزي و  دلالي
يبويه ما تقوم إتشوف  حالي
و لمت يا علي لمت نساوين

يبويه  إشلون أشوف السرج  مقلوب
و  تفزع  له حرم و إقلوبنه إتلوب
يبويه إنت اللي بالضيج  مندوب
ما  تلفي  البناتك يبو  الحسنين

يا  رافع لوه الإسلام و  الدين

و  قامت  تبجي  الأملاك
يخويه و تشخب إدماك
عدل  تنخاه  و ينخاك
آه يحسين لبيك

و لا ناصر يمظلوم
و اخذها اعله الثره  النوم
و بصيوانك إتحوم
آه يحسين لبيك

قبلتك ما إلها  إعداد
و جمر العطش وقاد
لا     إخوه    و    لا     اولاد
آه يحسين لبيك

و يلتفت  ابعيناه
و يوقف دون  مغناه
يتوزم و  يحماه
آه يحسين لبيك

يبن  أمي  يعطشان
و إمطرحه  الشبان
يبن  أمي  و رضعان
آه يحسين لبيك

يمن روحي فداياك
و  إتروع   يتاماك
ما  نقدر   الفرقاك
آه يحسين لبيك

و إتحورب يجيدوم
من  كل كتر و  إتحوم
إتريدك تصل  هاليوم
آه يحسين لبيك

و       إتجرد       البتار
و إتحورب يمنوار
و ظل حسين  محتار
آه يحسين لبيك

و  ظل يصهل إقبالي
و أتم من غير الوالي
ظل الطلب  خالي
آه يحسين لبيك

و إخويي يطيح  مصيوب
و منه الدمع  مسجوب
و  إنته داحي البوب
آه يحسين لبيك