إحنه وياك حسين

إحنه       وياك       حسين…و       إنت       ويانه       حسين

هالنداء  إنردده  صبح  و  مساء…كربلاء  القبله  صارت   كربلاء
يمن  بابك  أصبحت باب الرجاء…باب ربنه إختصها بس  للعاشقين

إنت سلطان العشق يبن الرسول…منهو مثلك و أمك الزهره  البتول
خل  يقول  الما  يحبنه  إشما  يقول…إحنه  بتراب التدوسه  إمسودنين

إحنه   بيك   إنميز   أهل  المعرفه…إحنه  بيك  إنفرزن  العنده  وفه
و  إحنه  بيك  إنشوف  وجه  المصطفه…لأن إنت المسطره  للطيببن

بالوفه  يا  سيدي  إنصحنه  الجميع…صحنه إلحق يالذي رايد شفيع
إحنه  ويه  حسين  عالخط  السريع…و  الذي  ما  لحق إتأخر  سنين

إحنه ما نتوالف إويه أهل الكسل…اليحجي خل إيراوي للوادم عمل
بالسوالف  لا  تظل  ترسم  أمل…إخلص  و  خليك  مرفوع  الجبين