لا تلوم العين و اتنشف الدموع

لا  تلوم العين و اتنشف الدموع….اشظارك لو دمع صبت عيني
لو تعرف أسباب نوحي و ليش أنوح….جا صرت عبره و تجي  اتبجيني
انته  ما عندك جرح تبجي اعليه….وين تلقه حسين مثل  حسيني
و كون مثل حسين عندك دلني بيه….ووين هذا حسينكم  دليني
و لاجن انته امن انين لك و من انين إجاك….ابيا هو منهم تقدر اتباريني
حسين  من  دمه زرع بالدين أساس….و حاولت ربعك اتهدم ديني
حسين  ثار الله و محمد وصه بيه….و عن وصيته النبي ما  يعفيني
حسين ثار الله و حشاه ينسه ثار….و عن قريب الصوت  يناديني
حسين  شبل المرتضه و ابن البتول….امحبته فرض عليه  ابديني
و  لو صرت وجعان و اقليبي عليل….ابتربته الباري اهو يشفيني
و  أرد أخبرك يا للي ما تدعي و تريد ….حسين بالشده ذخر  يحميني
حسين  للمبدأ عقيده و إعتدال….و ضحه ابدمه لجل يحيني
و  آنه مو بيدي إذا أذكر حسين….و هيه تركض للصدر  جفيني
اتريد تلهيني و أقلك مستحيل….حسين ثار و عنه ما  تلهيني
و ممكن اتهدمني بس يبقه الأساس….اشما يمر عاشور هم يبنيني