شاعر: السيد سعيد الصافي الرميثيرادود: أبو بشير النجفي
يودعوني يودعوني…هالليلة يودعوني
باجر عني إيروحون …ولياني و بيه إشلون
هالليلة إيودعوني
ما نصف وكتي إوياي من زغري و الهاليوم
نكبه إعله نكبه إتصير ضيم و قهر و إهموم
بين الذبح خلصوا ولياني و المسموم
بعيوني بعيوني ما ظلت بعيوني
نشفت كل الدمعات…من حزني و الآهات
هالليلة إيودعوني
أول جرح جتال صوب دليلي إصواب
ضلع أمي من كسروا و طبقوا إعليها الباب
و من وقع حامي الجار و إتيتم المحراب
يتموني يتموني… راحوا و يتموني
لا بويه و لا أمي…إلمن أشكي همي
هالليلة إيودعوني
ما قصرت يالبين مني خدت شتريد
لا وطن لا وليان و درب المدنيه إبعيد
أتحسر إعله الراح و أصفج الإيد بإيد
إيعوفوني إيعوفوني… خواني إيعوفوني
لا عباس ولا حسين…باجر راح أصبح وين
هالليلة إيودعوني
بس هالمسيه إوياك طول يا ليل البين
خليني أشبع شوف و أتوادع إويه حسين
صبح الكدر لو لاح أنطي الوجه لا وين
إيخلوني إيخلوني إبيا حاله إيخلوني
أحتار إبجمع إعيال…لو نشف دمع أطفال
هالليلة إيودعوني
وين الوعد عباس و إعتاب ليّه إوياك
يالقلت قومي إوياي جفي إعله جف يمناك
تتركني بين أشرار و آنه الجنت بحماك
ايهضموني ايهضموني يا خويه ايهضموني
زينب يا بو النوماس…تتغرب يا عباس
هالليلة إيودعوني
منك شفت لوعات يا دهري يا خوان
للطف جبتني إتريد تفجعني بالوليان
و خدري و دلالي إيضيع و أتمحن إبرضعان
يردوني يردوني أرويهم يردوني
أطفال إشلون إتهيد …و الماي إعليه إبعيد
هالليلة إيودعوني
مصدر النقل: موقع القصائد الولائية
3مشاهدة