جينه عالوعد يا علي مدد

جينه  عالوعد…  يا علي مدد

يا با الحسن …طول الزمن… عالمسره باقين
ما  ننحرف…  مهما تحف… بينه الميادين
و  إعله الوعد …هذا العهد… تقراه من  العين
كل  العمر  …ما نعتذر …عن خدمة حسين
و  إحنه عالعهد…يا علي مدد

نقسم قسم… و الله علم …إبنك  مننساه
صبح  و  مسه …ما ينسه …إنعيش إحنه وياه
و بكل دهر… دم النحر …لجله فديناه
نبذل  مهج… لإبن الحجج …يا حجة الله
دمنه ما برد… يا علي  مدد

صوت الدمع… يحجي الوضع… يشرح هممنه
نبني الدرب …لو ينطلب …من جاري دمنه
إعلينه إعتمد… لا تعتقد …نثني  عزمنه
و إنت الإبو …نعم الإبو …و الزهره أمنه
جيشك إستعد… يا علي مدد

و  الحاولوا …ما وصلوا …صد المواكب
وين  الثره  …من تنظره …ووين الكواكب
و إحنه نظل …مثل الجبل… رغم  النواصب
ما  نختشي…  و نمشي إبمشي… أم المصايب
نبقه  للأبد … يا علي  مدد

يا  حيدره …إبدم الجره …إتنادي  هالأصوات
هذا  النده  …بس ردده …حس طيب الذات
حين الهتف… من النجف… هز  السماوات
صوت  إعلته  …من كربله …للذله هيهات
للسمه  صعد…  يا علي  مدد