نذرت الحب ابو اليمه حياتي

نذرت  الحب ابو اليمه  حياتي
شفت حبه اللي يحقق  امنياتي
واقول  بحب الحسين…. قليلة دمعة  العين
شفت حبه اللي يحقق  امنياتي

اوسع  من  خيالي شما اشوفك  بعتقادي
ياللي حبك سرى بدمي وتملك كل  فؤادي
ولهذا السبب ياحسين احسك سر ودادي
الك طول الوقت يالغالي دايم  انشدادي
يقيني وكل شعوري …. صرت مصدر سروري
احبك  واللي يحب لازم يضحي  ومايبالي
ياغاية  أمنياتي…. الك ناذر  حياتي
احسك  نبض  قلبي وكل وقت انت على بالي

انا بعين العقل شفتك مصيري  يارجائي
شفت موتي على حبك ياحبيبي سر  بقائي
واقول  شلون اعبر عن صدق حبي  وولائي
إذا مارخصت لأجلك يابو اليمه  دمائي
أضحي  لك  وجودي ثمن حبك خلودي
وإذا اقول انت ديني لاوحقك ما  أغالي
صرت  قبلة صلاتي…. واشوفك انت  ذاتي
وانا بحبك اريدن ارتقي صرح المعالي

اجيت بلهفة الضامي لأن قبرك  فراتي
واروي ضامي بشمة عطورك  يانجاتي
يامن نورك وضوئي وقبلتي بساعة  صلاتي
واحس  بذاتك القدس ارتبط من صغري  ذاتي
وجوب  لقبرك اسعي…. واريد يلبي  دمعي
يلبي بأسمك ويهتف انا العبد الموالي
عرش  رباني انا اشوفك …. واسبح من اطوفك
واذوبن مثل شمعة واسرح بعالم خيالي

مثل حبو والطفل احبو ضريحك يا  امامي
على اعتابه اخط بدمعة عيوني  مرامي
واسلم  وانا  ادري ترجع عليه  سلامي
وسامي هذا من تجاوبني وسامي
شهم قلبك أعرفه…. بحر فايض بعطفه
تحاميني  بشعورك عني يميني وعن شمالي
على اللي حزوا رقبتك…. عطوف تهل  دمعتك
انا الخادم الك وانتظرك تحن على حالي

جنون الهايم العاشق انا بحبك  جنوني
اصد لمصرعك وانزف على مصابك جنوني
قبل  ماقطعوا جسمك عسى انهم  قطعوني
قبل  ماصوبو جبدك وسط جبدي  رموني
رسول الله يشمك…. على صدره  يضمك
يقلك  انت مني وانا منك يا  مثالي
يحز السيف نحرك…. تدوس الخيل  صدرك
قبل  راسك ردت راسي تشوفه برمح  عالي

وحق  كل قطرة من دمك جرت  بالغاضرية
وحق  شوغة  رضيعك سيدي ضلع  الزكية
على مصابك لبكي الناس كل صبح  ومسية
واصيح شلون زينب يا وسف راحت  سبية
نظر عيني لسيله …. على مصاب العقيلة
على  الهزل مشت مسبية حرمه بغير والي
تودع  كل اهلها …. على الشاطي اللي  كفلها
تصيح  بصوت  ياعباس لو تدري اشجرا لي