ليل و دمع و إموادع و مناحه

ليل و دمع و إموادع و مناحه …فجر النوايب لا طلع  صباحه
مصيبه  مصيبه…  يا زينب  الغريبه

ناعي  الحزن تسمعه…راعي الخدر تودعه…  أملها
ليلة ألم غريبه…تتوادع النجيبه…إويه أهلها
ليلة عزائي و نوحي…يا ريته ياخذ روحي…أجلها
من أصعب الليالي…ما يخطر إعله بالي…مثلها
عندي  إشبعد لو ودعوني إخوتي…صاحب فضل لو يتنه ليه موتي
مصيبه  مصيبه…  يا زينب  الغريبه

ما ظن تمل سهرها…لو ودعت نظرها…  عيوني
محتاره و الحبايب …لموادع الغرايب …دعوني
بيهم يحف قدرهم…ما أصدق أنتظرهم…يجوني
وشجم عزيز أوداع…خل تجرح المدامع …جفوني
لاحت  علامه إقبالي هالمسيه …مجتوفه جني إعله الهزل  سبيه
مصيبه  مصيبه…  يا زينب  الغريبه

و  العيله من خيمها…من طلعت بألمها  …إتبعتها
كلمن  لفت  وليها…تتعثر  إبمشيها…شفتها
هاي  إعتنت لبنها …و إتعاتبه  إبحزنها…إسمعته
ذيج  إعتنت لبوها…هاي المشت  لخوها…عفتها
و الخلت إدموعي جمر أهلها…شفت الرباب إتناغي وي طفلها
مصيبه  مصيبه…  يا زينب  الغريبه

ناداني أخويه أسمعه …لمن رحت أودعه  …إعتنيته
إتلقاني  من وصلته…و آنا العقيله إخته…و  إجيته
حسين الإخو إبحنانه…كلفني  بأمانه…وصيته
بأطفاله و بعياله …و الغايه من سؤاله  …حميته
أحفظ يخويه أطفالك بعيوني…تعذرني لو جان العده ولوني
مصيبه  مصيبه…  يا زينب  الغريبه

بيدي  إلزمت  دليلي…ضعني إسمعت  كفيلي…يعوفه
ما  يخلف إبوعوده …كعبة وفه  إبوجوده…أطوفه
راية  الترف شفتها…بدموعي  قبلتها…جفوفه
بوجوده خدري عالي…محد قدر خيالي…يشوفه
عباس أخويه و هيبتي إبحميته …و إشلون أودعه إبلا شعور إجيته
مصيبه  مصيبه…  يا زينب  الغريبه