عقلي ملكته و بكيفك إنته

عقلي ملكته …و بكيفك  إنته
هاك القلب هاك…ما أقدر أنساك …و بكيفك إنته

الحواس الخمسه ملكك و القلب بيتك …آنه كل نبضه إبوريدي إتصيح حبيتك
يا حسين إبعالم الدر آنه ناديتك …إنت يا فرض المحبه و آنه  صليتك
مهما جرالي … تبقه إعله بالي
كل جسمي ناداك…ما أقدر أنساك …و بكيفك  إنته

كل  شخص عنده قضيه يحرص إعليها …و آنه عندي بس محبتك و أفتخر  بيها
آنه هالخدمه الشريفه بروحي شاريها …أدري أولها كرامه و فوز تاليها
هالخدمه              هيه…أشرف               قضيه
من آني لولاك…ما أقدر أنساك …و بكيفك إنته

علمتني  الدنيه  فرصه و موقف إنسجله …و البشر ميهمنه عمره ينذكر  فعله
علمتني  من أحبك أكره الذله …آنه أتيه حته روحي إسمك  أنذله
ما شافت العين …بس إنت يحسين
يذبحني فرقاك …ما أقدر أنساك …و بكيفك  إنته

يا حسين إهوايه مثلي بيك مجنونه …طبعي أتباهى بحبيبي و  اليحبونه
هذا عشق الما مثله و لا يفهمونه …ما يعرفون المحبه الما يجربونه
يا       مالك       الروح…ما      ريدك      إتروح
بجروحي  ألقاك…ما أقدر أنساك …و بكيفك إنته

يا  حسين أصرخ أحبك حته بالسكته …و اليحبك هذا طبعه الناس عارفته
كل شي يتغير أشوفه إنت ذاك إنته …شفتك إنت و شخص غيرك آني ما  شفته
شفتك  أميري…عرشك  ضميري
يالغالي أهواك…ما أقدر أنساك …و بكيفك  إنته

روحي لو تنساك لحظه قلبي حاسبها …إنت أجمل كلمه عندي إبجرحي كاتبها
الدنيه لو ما إنت بيها محد يحبها …و إنت يا أول عجيبه من  عجايبها
إنت           دليلي          …ساكن          دليلي
يالغالي  برجاك …ما أقدر أنساك …و بكيفك  إنته