زينب بالمعاره اتصيح

زينب بالمعاره اتصيح ما ظل من ولي عندي
غريبه و دمعة اعيوني تسيل و تحفر بخدي

وكَفت  عالتل  اتصيح يبن أمي الكَلُب  مالوم
روحي اتحوم يا مظلوم و ادموعي تسيل  ادموم
هاي الكَوم إجتنه الكَوم ما واحد يرد  الكَوم
يسبع الخيل رد الخيل هالخيل اوصلت  حدي

الخيل اوصلت لخيامك و كَلبي يا شهم ناداك
اجيت  أنخاك و أترجاك لا تخليني بين  اعداك
الموت الموت أريد الموت و لا أحمل هضم فركَاك
الدنيه و كربله و الكَوم هاليوم أصبحوا  ضدي

ضدي  صاروا و ياريت خذوا عمري كَبل عمرك
و ريت اللي سحكَ صدرك سحكَ صدري كَبل صدرك
و ريت اللي كَطع نحرك كَطع نحري كَبل  نحرك
و  سهم  الصابك بجبدك ياريته صابني بجبدي

ياريته  صابني بجبدي و سهم الصوبك  يحسين
وين  انته يبعد أهلي دليني أعله جسمك  وين
و  سهم البين صاب العين و لا أنذل طريجي من انين