ريحانة المصطفى

ريحانة المصطفى ** يا كعبة للوفى ** المجد فيك أكتفى ** يا ساكن في الروح
يا  حسين يا حسين يا حسين يا مذبوح

صوت الحقيقة اعترف ** للناس حبك شرف ** ياقبلة الآمال
يحسين انت الوفي ** بيك المجد يكتفي ** يمحرر الأجيال
يا  أغلى دم انسفك ** عطل مدار الفلك ** عالغبره لمن  سال
رب الجلاله ارفعك ** صار الرمح موضعك ** راسك عليه انشال
رأسك فوق القناة ** اضحى لواءا لنا ** خلقت قبل الدنا ** خلقت قبل  اللوح

دمك  ابد مانشف ** كل جرح منك نزف ** بيه حكمة  الرحمن
يحسين دم النحر ** باللوح تارك أثر ** والعرش  والميزان
هذاالسبط  ينذبح ** ونشوف اثر كل جرح ** من نفتح  القرآن
كل  آيه دمك نهر ** ترجم معاني السور **يموضح  الفرقان
ياسيدي هاهيه ** دماؤك الزاكيه ** لربها داعيه ** من جرحك  المفتوح

يا حسين لمن طحت ** فرض الصلاة وضحت ** وتشاهدك هالقوم
مطروح  فوق  الارض ** ساجد تأدي الفرض ** للخالق القيوم
ظامي وطحت عالترب ** وبعطش ذاك القلب ** ثبتت فرض  الصوم
زكيت بذل النفس ** وتريد من هالدرس ** فرض الزكاة  يدوم
يا  قبلة للابا ** طافت عليك الظبا ** خامس اهل العبا ** اوحى اليك  الروح

لمن رموك بحجر ** تواسي الي راسه انطبر ** واتخضب  المحراب
واضلوعك مهشمة ** اتواسي ضلع فاطمة ** من انكسر بالباب
كبدك  رموه  بسهم ** هالرميه واست الم ** كبد الحسن من ذاب
بنورك عدن زاهرة ** رغم الدما الي جرى ** نورك ابد ما  غاب
نورك لما زهى ** في سدرة المنتهى ** نمت غصون لها ** من دمك المسفوح

يحسين جينا الك ** ونشاهد بمصرعك ** بدم اسرار
ظل الجسم مرتهن ** بلايه غسل لاكفن ** من حكمة الجبار
وثلث  ليالي يتم ** فوق الارض هالجسم ** رب الجلا له  اختار
حتى الملايك تمر ** تحج يمك وتعتمر ** وتنزل الك زوار
لبيك رب العلى ** نحن اعتمرنا الى ** من مات في كربلا ** فوق الثرى مطروح

نزلت املاك السما ** لن شافتك بالدما ** من منحرك  مخضوب
جبريل يمك نزل ** ميكال مدمع همل ** .من شاهدك  مسلوب
واعليك  فطرس يحن **لن شافك بلا دفن ** والصرخة من كل  صوب
صاحوا  يشبل  الطهر ** عظم الله الاجر ** بمصابك المكتوب
يا  ثاويا بالعرى ** يامرملا بالثرى ** عليك دمعي جرى ** من جفني  المقروح

يا حسين يامن الك ** ناح وحزن كل ملك ** وانفجعت  الأملاك
كل  ما  يلوح الفجر ** من منحرك ينتثر **.دمك على  الافلاك
واحنا اعلى هاي لصفه ** دمع الحزن نذرفه ** يبن النبي  وننعاك
مهما يطول العمر **ما ينخمد هالجمر ** يتوهج  لذكراك
ياذاويا بالعرى ** يامرملا بالثرى ** عليك دمعي جرى** من جفني  المقروح