تودع زلمها العايله

تودع  زلمها العايلة ….تودع  زلهما
من يبگه يمها ابكربله…. من يبگه يمها
لو  ودعوها…. لو  فارگوها
من يبگه يمها ابكربله…. من يبگه يمها

ليل  وظلام وعايله تلوج  ابصبرها
خلاها  وادي كربله اتحس ابخطرها
كانت زلم متلازمة تحرس خدرها
هذا الوداع اللي حصل غير امرها
عيون  الغرايب  ساهرة ….اعيون الغرايب
بأمر  الغوالب حايرة…. بأمر  الغوالب
ويضيعوها….  لو   فارگوها
من يبگه يمها ابكربله…. من يبگه يمها

عيلة وعلامات الخطر بانت عليها
كل وحدة گصدت يم ولي اتودع  وليها
ما  عنده مهجة اعلى الحجي اتشر  بيديها
وتگله روحي اموجلة جمرتها بيها
ارسم عذابي ابدمعتي ….ارسم  عذابي
صورة مصابي ابمهجتي…. صورة مصابي
ويلوعوها ….لو  فارگوها
من يبگه يمها ابكربله…. من يبگه يمها

زينب تصد واعلى الاهل شابح  جفنها
اهنا  تلگه  طفلة اويا الابو تودعه  احزنها
واهنا تشاهد والدة اتودع  ابنها
اهنا  اعلى  الرضيع امه تهل دمعة شجنها
بس المدامع بالخيم…. بس المدامع
المن توادع هالحرم…. المن توادع
والحشموها…. لو  فارگوها
من يبگه يمها ابكربله…. من يبگه يمها

اخيام  النبوة وعايله مجموعة كلها
تتوادع ارواح وغدت تنطر اجلها
سبط النبي بحسرات كل خيمة  دخلها
شاهد اخو يودع اخت وام  الطفلها
وبنايباته منفجع….  وبنايباته
ينظر  خواته  تهل دمع ….ينظر خواته
ما  خبروها…. لو  فارگوها
من يبگه يمها ابكربله…. من يبگه يمها

كل  خيمة سبط المصطفى ايشاهد  علايم
گلبه انجسم بين اخوته وبين الفواطم
واگباله  زينب ناشدت بدر  الهواشم
اتگله صدگ باجر تظل عالغبرة  نايم
من يهوى جسمك انصدع ….من يهوى جسمك
اتمنه يمك انصرع…. اتمنه يمك
تنشد اخوها…. لو فارگوها
من يبگه يمها ابكربله…. من يبگه يمها

شاهد  بعد  رمله ابحزن تنظر  ولدها
تعلگ شمع زفة عرس فلذة كبدها
وليله ويا الاكبر گاعدة ابخيمة  وحدها
تودع  ولدها  وهالولد ما غيره  عندها
وتگله  يبني يا على…. وتگله  يبني
لو  دهري ذبني انولي…. لو دهري ذبني
لمك ولوها ….لو  فارگوها
من يبگه يمها ابكربله…. من يبگه يمها

سبط  النبي عاف الحرم لنصاره  قاصد
شاهدها  بين  اللي نزل للباري ساجد
بين  اليحد سيفه ابشغف يتفادى  رايد
بين اليگله للرمح صير انت شاهد
فجر الملاحم ناطرت…. فجر الملاحم
بأمر الفواطم فكرت…. بأمر  الفواطم
العسكر يجوها…. لو فارگوها
من يبگه يمها ابكربله…. من يبگه يمها