سدوا الماي الماي

سدوا الماي الماي ….. يا ضوه عيوني
يامن  الهاشم  گمر …. وإنت ملزوم بهاي…. يا ضوه عيوني

طلعت  من برج السعد …. بت علي وتگول…. يا  سعادتنا
يالمطوگ بالعهد … وحارس المسؤول …. عن  كفالتنا
دنت  ساعات  الجهد …. والجهد مبذول …. دون خوتنا
شرد عليها العباس …….. ما  تنشدوني
صاح آنه الموت الحمر …. ما يمر بيچ الخطر
وانه  سيفي بيمناي ….. يا ضوه  عيوني

صاحت أدري بشيمتك …. لليريدك عون …. تلزم  حدوده
خويه وأدري بهمتك …. تنسف المسكون …… تعدم  وجوده
يا عجيد ورايتك …. ما يضمها الكون …… بعزمك و  زودك
ضنوتي  ولو ظنيت ….. صدگت  ضنوني
بيك  يارب الوفه ….. راحتي وعيشي  صفه
بنزلتي وبممشاي ….. ياضوه عيوني

بالخيم سكنه سمعت …. صوت بحر الجود …. ويه  عمتها
طلعت  لاچن  شطلعت …. بين إديها الجود …. وشچت  حالتها
ياعم عطشانه إصرخت…. والچبد ممرود ….. ماي رادتها
ياعم وبهذا الحال ….. لا تخلوني
ياعم چاتلني الضمه ….. ونار گلبي  مضرمه
وجمر تجدح عيناي …… يا ضوه عيوني

نده يا سكنه بورع …. دخي يالتردين ….. ماي من عيني
والله لو بيدي تگع …. رخصة من حسين ….. چان شفتيني
ما يهم عمچ فزع …واگلب الصوبين …. بس تحشميني
واليهمون الكون ……. ما يهموني
هالحرم ومخيمي …. وكربلا والعلگمي
تدخل بسور إحماي … يا ضوه عيوني

زينب  وسكنه  وگمر … هاشم بحالات …. من  مصيبتها
من المخيم ظهر …. صوت الحسرات …… تشب  جمرتها
من الظمه چبدي إنفطر ….مات طفلي مات ….. علت صيحتها
محيره بيه وبيه …….. لا تخلوني
ماي  أريد الهالطفل …. وخل دليلي  يشتعل
ونشف بجسمي الماي …. يا ضوه  عيوني

حنت گلوب الوفه …. وأخذته من أمه …. زينب  الكبره
وبحنان وعاطفه …. تحبه وتشمه …. والكفل  أمره
شهر  بيده مرهفه …… والعلم زمه ….. ومن لكد  مهره
صاح يختي بمسراي …. لو تفگدوني
وإنتي  يابت فاطمة ….. بالعيال اموزمه
وسايريها  بمسراي ….. يا ضوه  عيوني