شاعر: كاظم منظور الكربلائيرادود: حمزة الصغير
منشور العلم …….. بحدود الخيم
من حيدر وعنوانه…. بالعالم وسكانه
منشور العلم
طلعت عقيلة حيدر من الصيوان………… تمشي بجلاله
شافت گمر هاشم يشع بالإيمان ………….. مطلع جماله
والعلم متمركز بچف الوجدان …………… بإسم الكفاله
صاحت يا هلا ……. بوجودك حلا
خدر إختك وصيوانه …. وبسيفك وسلطانه
منشور العلم
دسمع يامن بيك إغرست روح الزود …….. همه وشجاعه
يالناشر بيمناك مرصد مشهود …………… عصمه ومناعه
هالعلم من دعوة محمد موجود ……………… زم إرتفاعه
ساعد والدك …….. ضمه لساعدك
وتسجل بديوانه …….. بإسمك ياسيف أعيانه
منشور العلم
من سمع زينب طفح عزمه الطفاح …… دمدم وضهضب
يرتاح خل گلبچ يازينب يرتاح ………… وآنه المعتب
وفصم عجود الرمح من هزه وصاح ……. عونچ يا زينب
يابت والدي ….. هودي وهودي
هذا النصر ويانه …. والغانمه بحمانه
منشور العلم
وتعلگت زينب ببن والدها ……… وصاحت بزودك
والغانمه عيون إختك تشاهدها ….. روح بوجودك
ما تنشد إختك طلعت شمگصدها …… مگصدها جودك
وبجو النزل ….. نورك يبتهل
يتشعشع ابرهانه ….. وبهمة الترعانه
منشور العلم
صد ونده يا بت محمد شوفي …… حگچ عليّه
أصخيلچ بروحي واضحي چفوفي ……. بالغاضريه
تشوف عينچ من يصكني بشوفي ……. سهم المنيه
وبنصرة حسين …… عگبي تشوفين
من ناضري إنسانه ….. عالمشرعه نيشانه
منشور العلم
عباس يتبختر وزينب ترعاه ……. وتتمعنه منه
ومطلع گمر وجهه تجلت معناه ….. خوه ومحنه
وگلبه يتطاير فرح لمن تنخاه ….. وين المچنه
وچان اليلتزم …… يشتد بالعزم
يظهر جميل إحسانه …. وبهمته وسعوانه
منشور العلم
مصدر النقل: موقع القصائد الولائية
4مشاهدة