انا زينب يا عباس وإليَّ عتاب

انا  زينب يا عباس وإليَّ عتاب ….بيمن يا قمر وصاك داحي  الباب
تقبل شيمتك تولينه ناس  أجناب
و اتخلينه ابهاي الحاله ….نيران و خوف و خياله

شهم  أدريك خويه و الشهم ينلام ….لمن يترك إخته ابولية  الظلام
إشتظن  عدنه خيم لا ما ظلت إلنه  اخيام
عباس  اخيامك حرقوها ….و بالخيل أطفالك سحقوها

ابقبر  واحد  يريت اوياك أتواره ….و لا شوف المخيم تلتهب  ناره
دوهني   زماني   و   صرت    محتاره
أطفي  النيران البخيامي ….لو أركض و اجمع  ايتامي

شصير  آنه أصبر حالة الخدر ….لو اجمع يتامه تايهه ابها  البر
لو  أطفي  خيم متلاهبه و تسعر
متقلي اشيتحمل قلبي ….مذهوله و ما وجد  دربي

يريت الأجل ياخذني قبل حيني ….و قبل يمناك ريت انقطعت ايميني
سهم الصاب عينك صابني  ابعيني
يا ريت اينزلوني ابلحدد ….دنياي اشتنفع من  بعدك